Azərbaycan Respublikasının Konstitusiyası

Azərbaycan xalqı özünün çoxəsrlik dövlətçilik ənənələrini davam etdirərək, «Azərbaycan Respublikasının dövlət müstəqilliyi haqqında» Konstitusiya Aktında əks olunan prinsipləri əsas götürərək, bütün cəmiyyətin və hər kəsin firavanlığının təmin edilməsini arzulayaraq, ədalətin, azadlığın və təhlükəsizliyin bərqərar edilməsini istəyərək, keçmiş, indiki və gələcək nəsillər qarşısında öz məsuliyyətini anlayaraq, suveren hüququndan istifadə edərək, təntənəli surətdə aşağıdakı niyyətlərini bəyan edir:

• Azərbaycan dövlətinin müstəqilliyini, suverenliyini və ərazi bütövlüyünü qorumaq;
• Konstitusiya çərçivəsində demokratik quruluşa təminat vermək;
• vətəndaş cəmiyyətinin bərqərar edilməsinə nail olmaq;
• xalqın iradəsinin ifadəsi kimi qanunların aliliyini təmin edən hüquqi, dünyəvi dövlət qurmaq;
• ədalətli iqtisadi və sosial qaydalara uyğun olaraq hamının layiqli həyat səviyyəsini təmin etmək;
• ümumbəşəri dəyərlərə sadiq olaraq bütün dünya xalqları ilə dostluq, sülh və əmin-amanlıq şəraitində yaşamaq və bu məqsədlə qarşılıqlı fəaliyyət göstərmək.

Yuxarıda sadalanan ülvi niyyətlərlə ümumxalq səsverməsi — referendum yolu ilə bu Konstitusiya qəbul edilir.

I. Ümumi müddəalar

• 1-ci fəsil. Xalq hakimiyyəti
• 2-ci fəsil. Dövlətin əsasları

II. Əsas hüquqlar, azadlıqlar və vəzifələr

• 3-cü fəsil. Əsas insan və vətəndaş hüquqları və azadlıqları
• 4-cü fəsil. Vətəndaşların əsas vəzifələri

III. Dövlət hakimiyyəti

• 5-ci fəsil. Qanunvericilik hakimiyyəti
• 6-cı fəsil. İcra hakimiyyəti
• 7-ci fəsil. Məhkəmə hakimiyyəti
• 8-ci fəsil. Naxçıvan Muxtar Respublikası

IV. Yerli özünüidarəetmə

• 9-cu fəsil. Bələdiyyələr

V. Hüquq və qanun

• 10-cu fəsil. Qanunvericilik sistemi
• 11-ci fəsil. Azərbaycan Respublikasının Konstitusiyasında dəyişikliklər
• 12-ci fəsil. Azərbaycan Respublikasının Konstitusiyasına əlavələr

Keçid müddəaları

Azərbaycan Respublikasının Konstitusiyasına dəyişikliklər etmiş sənədlərin siyahısı