mayor QASIMOV ABBAS RZA OĞLU

17.03.1986-27.09.2020

17 mart 1986-cı ildə Ermənistan Respublikasının Masis rayonunda anadan olmuşdur. 1992-2003-sü illərdə Bakı şəhəri Binəqədi rayonu Famil İsgəndərov adına 157 saylı məktəbdə orta təhsil almışdır. 2003-cü ildə Milli Təhlükəsizlik Nazirliyinin H.Əliyev adına Akademiyasına daxil olmuş və 2007-ci ildə həmin akademiyanı “İnzibati idarəetmə, sərhəd qoşunları komanda-taktiki” ixtisası üzrə bitirmiş və gənc zabit kimi Xudat Sərhəd Dəstəsində xidmətə başlamışdır.
Peşəkar sərhədçi zabit kimi formalaşmağı qarşısına məqsəd qoyan Abbas hələ xidmətinin ilk illərindən öz bilik və bacarığnın artırılmasına xüsusi fikir verirdi. Hava məkanında dövlət sərhədlərinin mühafizəsinə olan marağı 2010-cu ildən xidmət yerini Aviasiya dəstəsinə dəyişməsinə səbəb oldu. Aviasiya dəstəsində müxtəlif vəzifələrdə xidmət etdiyi on il ərzində öz peşəkarlığını artırmış və bir sıra döyüş tapşırıqlarını uğurla yerinə yetirmişdir.
Vətən müharibəsinin ilk günlərində düşmənin ön müdafiə xəttinin yarılmasında, bütün cəbhə boyu tam üstünlüyün əldə edilməsində Dövlət Sərhəd Xidmətinin aviasiya qüvvələri həlledici rol oynamışdır. 27 sentyabr 2020-ci il tarixdə mayor Qasımov Abbas idarə etdiyi təyyarə ilə düşmən hədəflərinə zərbə endirərkən təyyarənin vurulmasına baxmayaraq döyüş tapşırığını sona qədər yerinə yetirmiş və qəhrəmancasına şəhid olmuşdur.
Ailəli idi, 2 övladı əmanət qalıb.
Mayor Qasımov Abbas Rza oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Qubadlının azad olunmasına görə” medalları ilə də təltif olunmuşdur.
28 sentyabr 2020-ci ildə Bakı şəhərində 2-ci Şəhidlər xiyabanında dəfn olunub.

mayor ƏLİYEV MALİK TƏVƏKKÜL OĞLU

26.12.1986-13.10.2020

26 dekabr 1986-cı ildə Naxçıvan şəhərində anadan olmuşdur. 1993-2001-ci illərdə Naxcıvan şəhərinin 11 nömrəli orta məktəbində oxumuşdur. Hərbiçi olmaq arzusu ilə 2001-2004-cü illərdə H.Əliyev adına hərbi liseydə təhsil almışdır. Liseyi bitirdikdən sonra 2004-cü ildə Milli Təhlükəsizlik Nazirliyinin H.Əliyev adına Akademiyasının sərhəd qoşunları fakültəsinə daxil olmuş və 2008-ci ildə oranı “inzibati idarəetmə, sərhəd qoşunları komando- taktiki” ixtisası üzrə fərqlənmə diplomu ilə bitirmişdir. Təhsil aldığı müddətdə hərb sənətinin incəliklərinə darindən yiyələnmək üçün səy göstərmiş və müəllimlərinin sevimli kursantlarından biri olmuşdur. Hələ kursant vaxtlarında idmana xüsusi maraq göstərirdi.
2008-ci ildə gənc zabit kimi təyinat aldığı Xudat sərhəd dəstəsində 2015-ci ilədək müxtəlif vəzifələrdə xidmət etmişdir. 2015-ci ildə Sərhəd Qoşunlarının Horadiz sərhəd dəstəsində sərhəd komendantlığı komendantının 1-ci müavini – qərargah rəisi vəzifəsinə irəli çəkilmişdir. 2016-2017-ci illərdə təhsil aldığı «Qərargah zabitlərinin hazırlığı kursu»nu müvəffəqiyyətlə bitirdikdən sonra xidmət yeri Çevik Hərəkət Qüvvələri Komandanlığına dəyişdirilmişdir. 22.02.2020-ci il tarixdən Çevik Hərəkət Qüvvələrinin Çevik Hərəkət Dəstəsində qrup komandiri, 22.07.2020-ci il tarixdən isə şöbə rəisinin müavini vəzifəsinə təyin edilmişdir. Xaricdə və ölkəmizdə müxtəlif kurslarda və təlimlərdə öz bilik və bacarıqlarını təkmilləşdirən mayor Əliyev Malik hər zaman öz intizamı, çalışqanlığı və təvazükarlığı ilə fərqlənmiş, xidmət etdiyi hərbi kollektivlərin dərin hörmətini qazanmışdır.
Hər bir sərhədçi zabit kimi Malikin də ən böyük arzusu işğal altında olan torpaqlarımızın azad olunması və həmin ərazilərdə Azərbaycan bayrağının dalğalanması idi. 2020-ci il sentyabrın 27-dən başlayan Vətən müharibəsi onun bu arzusunu reallaşdırdı. Müharibənin ilk günlərindən döyüşlərə qatılan Malik Füzuli və Cəbrayıl rayonlarının azad edilməsi uğrunda döyüşlərdə şücaət göstərmişdir. Mayor Əliyev Malik oktyabrın 13-də Cəbrayıl rayonu istiqamətində növbəti döyüş tapşırığını yerinə yetirərkən qəhrəmancasına şəhid olmuşdur.
Ailəli idi, 1 övladı var.
Mayor Əliyev Malik Təvəkkül oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Cəbrayılın azad olunmasına görə” medalları ilə də təltif edilmişdir.
15 oktyabr 2020-ci ildə Bakı şəhərində 2-ci Şəhidlər xiyabanında dəfn olunub.

kapitan CƏMİYEV AŞUR BƏYBALA OĞLU

18.06.1989-21.10.2020

18 iyun 1989-cu ildə Şahbuz rayonunda anadan olmuşdur. 1995-ci ildə Naxcıvan şəhər Qambay Vəzirov adına 6 saylı tam orta məktəbinin 1-ci sinifinə daxil olmuşdur. Aşur hələ uşaqlıq illərindən hərb sənətinə böyük maraq göstərirdi. Məhz buna görə də 2003-cü ildən orta təhsilinin qalan hissəsini Heydər Əliyev adına Hərbi liseydə davam etdirmişdir. Liseyi bitirdikdən sonra 2006-cı ildə Milli Təhlükəsizlik Nazirliyinin H.Əliyev adına Akademiyasına daxil olmuşdur. 2010-cu ildə həmin akademiyanı “İnzibati idarəetmə, sərhəd qoşunları komanda-taktiki” ixtisası üzrə uğurla bitirmiş və öz təyinatını Lənkəran sərhəd dəstəsinə almışdır. 2010-2019-cu illər ərzində Lənkəran sərhəd dəstəsində müxtəlif vəzifələrdə xidmət edərkən öz intizamı, əməksevərliyi ilə fərqlənmiş, əməliyyat şəraiti çətin olan ucqar dağ sərhəd zastavalarında sərhədin mühafizəsində uğurlar qazanmışdır. 2019-cu ildən xidmət yeri Sərhəd Qoşunlarının Qazax əlahiddə sərhəd diviziyasına kəşfiyyat bölüyünün komandiri vəzifəsinə dəyişdirilmişdir. 27 sentyabr 2020-ci ildə başlayan Vətən müharibəsinin ilk günlərindən cəbhəyə yollanan Aşur Füzuli və Cəbrayıl istiqamətində döyüşlərdə, Zəngilan şəhərinin azad ollunmasında yaxından iştirak etmiş və fərqləndiyinə görə xüsusi qeyd edilmişdir. 21 oktyabr 2020-ci ildə Zəngilan şəhərində düşmənin əks hucumunun qarşısını alarkən qəhrəmancasına şəhid olmuşdur. Ailəli idi, 3 övladı var. Kapitan Cəmiyev Aşur Bəybala oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Zəngilanın azad olunmasına görə” medalları ilə təltif olunmuşdur. 24 oktyabr 2020-ci ildə Naxçıvan şəhərində Şəhidlər xiyabanında dəfn olunub.

kapitan MEYDANOV ELMƏDDİN BAHƏDDİN OĞLU

11.09.1989-26.10.2020

11 sentyabr 1989-cu ildə Şərur rayonunun Vərməziyar kəndində anadan olmuşdur. 1996-ci ildə 1-ci sinifə getmişdir. 2007-ci ildə orta məktəbi bitirdikdən sonra Milli Təhlükəsizlik Nazirliyinin H.Əliyev adına Akademiyasının sərhəd qoşunları fakültəsinə daxil olmuş və 2011-ci ildə oranı “inzibati idarəetmə, sərhəd qoşunları komanda-taktiki” ixtisası üzrə bitirmişdir. Təyinatını Göytəpə sərhəd dəstəsinə alan Elməddin gənc olmasına baxmayaraq əmliyyat şəraiti çətin olan sərhəd zastavalarında həvəslə və əzmkarlıqla xidmət etmiş, dövlət sərhədinin etibarlı mühafizəsinə öz tövhəsini verməklə yanaşı bilik və bacarığını təkmilləşdirmiş, peşəkar sərhədçi zabit kimi formalaşmışdır. Kapitan Meydanov Elməddin əldə etdiyi müsbət nəticələrə görə dövlət sərhədinin mühafizə bölməsinin baş zabiti vəzifəsinə irəli çəkilmişdir. Sağlamlığında problemlərin olmasına baxmayaraq Vətən müharibəsi başlayan zaman Elməddin yaradılan döyüş taburuna qoşulan ilk hərbi qulluqçulardan oldu. Zəngilan istiqamətində gedən döyüşlərdə şücaət göstərmişdir. 26 oktyabr 2020-ci il tarixdə rəhbərlik etdiyi qrupla birlikdə Mehri yolu istiqamətindəki adsız yüksəkliyi ələ keçirən kapitan Meydanov Elməddin tabeliyində olan şəxsi heyəti qorusa da düşmən atəşindən qorunmaq üçün əyilməyi, gizlənməyi özünə sığışdırmayaraq qəhrəmancasına şəhid oldu.
Ailəli idi, 2 övladı var.
Kapitan Meydanov Elməddin ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Zəngilanın azad olunmasına görə” medalları ilə təltif olunmuşdur.
30 oktyabr 2020-ci ildə Şərur rayonunda Şəhidlər xiyabanında dəfn olunmuşdur.

Baş leytenant ƏZİZOV ELÇİN ƏVƏZ OĞLU

30.03.1985-13.10.2020

30 mart 1985-ci ildə Cəbrayıl rayonunda anadan olmuşdur. 1991-ci ildə Cəbrayıl rayonu Yuxarı Mərcanlı kənd orta məktəbində 1-ci sinifə getmişdir. Cəbrayıl rayonu işğal olunanda ailəsi ilə birlikdə Bakı şəhərinə köçmüş, 2002-ci ildə Nizami rayonunda yerləşən Fizuli rayon 88 nömrəli məktəbi bitirmişdir. 2002-2006-cı illərdə Azərbaycan Texniki Universitetində ali təhsil almışdır. 2006-2007-ci illərdə müddətli həqiqi hərbi xidmətdə olan Elçinin ən böyük arzularından biri də işğal altında olan doğma Cəbrayılına qovuşmaq idi. Gündən-günə artan vətən həsrəti və düşmənə nifrət hissi Elçinin 2012-ci ildən yenidən ordu sıralarına gəlməsinə səbəb oldu. Dövlət Sərhəd Xidmətinin Çevik Hərəkət Dəstəsində müxtəlif vəzifələrdə xidmət edən Elçin hər bir sərhədçi kimi səbirsizliklə işğal altında olan ərazilərin azad olunması uğrunda zəfər yürüşünün başlanacağı günü gözləyirdi. 2020-ci il sentyabrın 27-də başlayan Vətən müharibəsinin ilk günlərindən cəbhəyə yollanan Elçin dünyaya göz açdığı doğma Cəbrayılın azadlığını gördükdən sonra elə doğma torpaqda şəhadətə yüksəldi. 13 oktyabr 2020-ci il tarixdə Cəbrayıl rayonu istiqamətində döyüş tapşırığını yerinə yetirərkən qəhrəmancasına şəhid oldu.
Ailəli idi, 2 övladı var.
Baş leytenant Əzizov Elçin Əvəz oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Cəbrayılın azad olunmasına görə” medalları ilə təltif olunmuşdur.
15 oktyabr 2020-ci ildə Bakı şəhərində 2-ci Şəhidlər xiyabanında dəfn olunub.

Baş leytenant NƏHMƏTOV CEYHUN EHTİQAD OĞLU

08.09.1994-07.11.2020

8 sentyabr 1994-cu ildə Bakı şəhərində anadan olmuşdur. 2001-2012-ci illərdə Mərdəkan qəsəbəsindəki Hacı Zeynalabdin Tağıyev adına 123 nömrəli tam orta məktəbdə təhsil almışdır. 2012-ci ildə daxil olduğu Dövlət Sərhəd Xidmətinin Akademiyasını 2016-cı ildə mexanika mühəndisliyi ixtisası üzrə bitirmişdir. 2016-2018-ci illərdə Çevik Hərkət Qüvvələrinin Çevik Hərəkət Briqadasında taqım komandiri, 2018-2019-cu illərdə Sərhəd Qoşunlarının Qazax əlahiddə sərhəd diviziyasında sərhəd zastavası rəisnin müavini vəzifəsində şərəflə xidmət etmişdir. 08 may 2019-cu ildə xidmət yeri Zaqatala sərhəd dəstəsinin təminat bölüyünə dəyişdirilmişdir. Xidmət etdiyi bütün vəzifələrdə yüksək intizamı, qayğıkeşliyi və əməksevərliyi ilə fərqlənmiş, hər zaman tabeliyində olanlara və yoldaşlarına nümunə olmuşdur. 44 günlük Vətən müharibəsi həm də Ceyhunun qəhrəmanlıq, qorxmazlıq və vətənpərvərlik kimi keyfiyyətlərini üzə çıxardı. Bütün müharibəni alnı açıq üzü ağ keçən baş leytenant Nəhmətov Ceyhun düşmən üzərində böyük zəfərə 2 gün qalmış 7 noyabr 2020-ci il tarixdə Zəngilan rayonu ərazisində Ermənistanla sərhəddə yerləşən 812.0 yüksəkliyinin azad edilməsi uğrunda döyüşdə qəhrəmancasına şəhid oldu.
Subay idi.
Baş leytenant Nəhmətov Ceyhun Etiqad oğlu ölümündən sonra Azərbaycan Respub-likasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, Vətən uğrunda” və “Zəngilanın azad olunmasına görə medalları ilə təltif olunmuşdur.
9 noyabr 2020-ci il tarixində Bakı şəhərində 2-ci Şəhidlər Xiyabanda dəfn edilib.

Baş leytenant GÖZƏLOV XALİD HƏSƏN OĞLU

04.11.1996-27.09.2020

4 noyabr 1996-cı ildə Biləsuvar rayonunun Aşağı Cürəli kəndində anadan olmuşdur. 2013-cü ildə həmin kənddə Oktay Babayev adına tam orta məktəbi bitirmişdir. Elə həmin il daxil olduğu Dövlət Sərhəd Xidmətinin Akademiyasını 2017-ci ildə “Uçuş mühəndisliyi” ixtisası üzrə müvəffəqiyyətlə bitirmişdir. 2017-ci ildən müharibə başlalnanadək Çevik Hərkət Qüvvələrinin Aviasiya dəstəsində təyyarə eskadiriliyasının təyyarəçi- şturmanı vəzifəsində xidmət etmişdir. Xidmət müddətində öz intizamı, çalışqanlığı ilə fərqlənmiş, qısa vaxt ərzində peşəkar pilot kimi formalaşmış, hərbi kollekivin hörmətini qazanmışdır.
Baş leytenant Gözəlov Xalid Vətən müharibəsinin ilk şəhidlərindən olmuşdur. 27 sentyabr 2020-ci il tarixdə mayor Qasımov Abbas ilə birlikdə öz canları bahasına döyüş tapşırığını sona qədər yerinə yetirərək qəhrəmancasına şəhid olmuşlar.
Subay idi.
Baş leytenant Gözəlov Xalid Həsən oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni və “Vətən uğrunda” və “Qubadlının azad olunmasına görə” medalları ilə təltif olunmuşdur.
28 sentyabr 2020-ci ildə Bakı şəhərində 2-ci Şəhidlər xiyabanında dəfn olunmuşdur.

Leytenant ƏBDÜRRƏHİMLİ HABİL QABİL OĞLU

26.09.1997-08.11.2020

26 sentyabr 1997-ci ildə Şəmkir rayonunun Sabirkənd kəndində dünyaya göz açıb. 2014-cü ildə həmin kəndin Zöhrab Rüstəmov adına tam orta məktəbini bitirdikdən sonra Dövlət Sərhəd Xidmətinin Akademiyasına daxil olmuş, 2018-ci ildə oranı bitirdikdən sonra Çevik Hərkət Qüvvələrinin Çevik Hərəkət Briqadasında taqım komandiri kimi xidmətə başlamışdır. Qısa müddətdə xidmətdə müsbət nəticələr əldə etdiyinə, şəxsi intizamı, bilik və bacarığı, idarəetmə qabiliyyəti ilə fərqlənən Habil 18.03.2020-ci il tarixdən bölük komandiri vəzifəsinə irəli çəkilmişdir.
2019-cu ilin avqust-senytabr ayları ərzində Turkiyə Respublikasında komando kurslarında olmuşdur.
Zəngilan rayonu ərazisində Ermənistanla dövlət sərhədində yerləşən strateji əhəmiyyətli bir sıra yüksəkliklərin azad edilməsi uğrunda döyüşlərdə başçılıq etdiyi qrupu qətiyyətlə idarə edən leytenant Əbdürrəhimli Habil xüsusi fərqlənmişdir. 01 noyabr 2020-ci il tarixdə 1117.0 yüksəkliyinin və 07 noyabr 2020-ci il tarixdə isə 811.0 yüksəkliyinin azad edilməsində şəxsi igidlik nümunəsi göstərmişdir.
8 noyabr 2020-ci il tarixdə 811.0 yüksəkliyinin geri qaytarılması məqsədilə düşmən tərəfindən həyata keçirilən əks hucumun qarşısını alarkən leytenant Əbdürəhimli Habil əsgərləri Qasımov Murtuza və Hüseynov Vüsal ilə birlikdə qəhrəmancasına şəhid olmuşdur.
Ailəli idi,1 övladı var.
Leytenant Əbdürrəhimli Habil Qabil oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Zəngilanın azad olunmasına görə” medalları ilə təltif olunmuşdur.
9 noyabr 2020-ci ildə Şəmkir rayonunun Sabirkənd kəndində dəfn edilmişdir.

Leytenant ABBASOV MURTUZ ÇİNGİZ OĞLU

02.11.1998-22.10.2020

2 noyabr 1998-ci ildə Lerik rayonunun Soru kəndində anadan olmuşdur. 2005-2016-ci illərdə Binəqədi rayonu Sulutəpə qəsəbəsində 313 saylı orta məktəbdə təhsil almışdır. Məktəbi bitirdikdən sonra Dövlət Sərhəd Xidmətinin Akademiyasına daxil olan Murtuz 2020-ci ildə ali hərbi təhsilini başa vurduqdan sonra gənc leytenant kimi Çevik Hərkət Qüvvələrinin Çevik Hərəkət Briqadasında taqım komandiri kimi xidmətə başlamışdır. Qısa müddətli xidməti dövründə intizamı və çalışqanlığı ilə hərbi kolletivin dərin hörmətini qazanmışdır.
Vətən Müharibəsinin ilk günlərindən öz taqımı ilə döyüşlərə qatılan leytenant Abbasov Murtuz Cəbrayıl və Zəngilan rayonları ərazisində İran İslam Respublikası ilə dövlət sərhədinin işğaldan azad olunmasında iştirak etmişdir.
22 oktyabr 2020-ci il tarixdə Zəngilan rayonu ərazisində Vejnəli qızıl mədəninin ələ keçirilməsi üçün Sığırt yüksəkliyi istiqamətində hərəkət edərkən bölüyü ilə birlikdə düşmən pusqusuna düşən leytenant Abbasov Murtuz 6 nəfər yoldaşı ilə birlikdə döyüşü öz üzərlərinə çəkərək bölüyün qalan heyətinin atəş altından çıxmasına şərait yaratmışlar. 30 nəfərin yaralandığı döyüşdə Murtuzla birlikdə bölüyün daha 6 nəfər hərbi qulluqçusu qəhrəmancasına şəhid olmuşlar.
Subay idi.
Leytenant Abbasov Murtuz Çingiz oğlu Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən ölümündən sonra 3-cü dərəcəli“Vətənə xidmətə görə” ordeni, “Vətən uğrunda” və “Zəngilanın azad olunmasına görə” medalları ilə təltif olunmuşdur.
29 oktyabr 2020-ci ildə Lerik rayonunun Soru kəndində dəfn edilmişdir.

Gizir ƏLİYEV VÜSAL MƏHƏMMƏDƏLİ OĞLU

02.10.1991-09.10.2020

2 oktyabr 1991-ci ildə Cəlilabad rayonunun Rüstəmabad kəndində anadan olmuşdur. 2009-cu ildə kənd orta məktəbini bitirmişdir. 2009-2011-ci illərdə müddətli həqiqi hərbi xidmətdə olmuşdur. 2014-cü ildə Dövlət Sərhəd Xidmətində xidmətə qəbul olunan Vüsal Xudat sərhəd dəstəsinin 11-ci sərhəd zastavasına tətyinat almışdır. 2015-ci ilin avqust ayında xidmət yeri Çevik Hərəkət Briqadasına dəyişilən Vüsal manqa komandiri, sürücü-mexanik vəzifələrində öz bacarığı ilə fərqlənmiş, 2016-cı ildən isə xidmətini kəşfiyyat bölüyündə davam etdirmişdir.
Vətən müharibəsinin ilk günlərindən kəşfiyyat bölüyünün tərkibində ön cəbhəyə yollanan Vüsal döyüş yoldaşları ilə çiyin-çiyinə bir sıra uğurlu əməliyyatlarda iştirak etmişdir. Şuşa şəhərinin azad olunması baxımından mühüm strateji əhəmiyyət kəsb edən Hadrut qəsəbəsinin azad olunması qarşıya mühüm bir tapşırıq kimi qoyulmuşdur. Döyüş tapşırığını alan kimi Vüsal da digər hərbçi yoladaşları kimi döyüşə atıldı. 9 oktyabr 2020-ci ildə Xocavənd rayonunun Hadrut qəsəbəsi istiqamətində döyüş tapşırığını yerinə yetirərkən qəhrəmancasına şəhid oldu.
Ailəli idi.
Gizir Əliyev Vüsal Məhəmmədəli oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Füzulinin azad olunmasına görə” medalları ilə təltif olunmuşdur.
16 oktyabr 2020-ci ildə Cəlilabad rayonunun Rüstəmabad kəndində dəfn olunub.

Gizir ƏLƏKBƏROV MƏHƏMMƏDƏLİ BAYRAM OĞLU

15.10.1990-21.10.2020

15 oktyabr 1990-cı ildə Ağstafa rayonunun Poylu kəndində anadan olmuşdur. 1996-2007-ci illərdə Firacəddin Məmmədov adına tam orta məktəbdə təhsil almışdır. 2008-2010-ci illərdə müddətli həqiqi hərbi xidmətdə olmuşdur. 2014-cü ildə Dövlət Sərhəd Xidmətində xidmətə qəbul olunan Məhəmmədəlinin ilk xidmət yeri olan Lənkəran sərhəd dəstəsinin 4-cü sərhəd zastavasında çalışqanlığı, xidmətə münasibəti ilə seçilmişdir. 2015-2016-ci illərdə Dövlət Sərhəd Xidmətinin tədris mərkəzində təlim çevik hərəkəti taborunda müxtəlif vəzifələrdə xidmət edən Məhəmmədəli hər zaman inadla öz üzərində işləmiş, intizamı ilə seçilmişdir. 19.02.2019-cu il tarixdən i xidmət yerni Çevik Hərkət Qüvvələrinin Çevik Hərəkət Dəstəsinə dəyişdirilən Məhəmmədəli cəlb olunduğu təlimlərdə bilik və bacarığını təkmilləş-dirmişdir. Fiziki cəhətdən saglam və güclü olan Məhəmmədəli ona verilən ən çətin döyüş tapşırıqlarının öhdəsindən məharətlə gəlirdi.
Sentyabrın 27-də başlayan Vətən müharibəsi sanki Məhəmmədəliyə qazandığı bilik və bacarıqları nümayiş etdirilməsi üçün bir meydan oldu. Məhəmmədəli Çevik Hərəkət Dəstəsinin tərkibində Füzuli və Cərayıl istiqamətlərində bir sıra yaşayış məntəqələrimizin azad olunması uğrunda bir sıra uğurlu əməliyyatlarda iştirak etdi. İran İslam Respublikası ilə dövlət sərhədlərimizin bərpası zamanı məhz onun fədakarlığı nəticəsində bir neçə halda döyüş yoldaşları mühasirədən çıxarılmışdır. Oktyabrın 19-da Zəngilan şəhərinin azad olunması əməliyyatlarında düşmən postlarının ələ keçirilməsində Məhəmmədəli xüsusilə fərqlənmişdir. 21 oktyabr 2020-ci il tarixdə bir gün əvvəl işğaldan azad olunmuş Zəngilan şəhərinə düşmənin əks-hucumunun qarşısını alarkən gizir Ələkbərov Məhəmmədəli qəhrəmancasına şəhid oldu.
Ailəli idi. 2 övladı var.
Azərbaycan Respublikasının ərazi bütövlüyünün bərpa edilməsi zamanı göstərdiyi rəşadətə görə gizir Ələkbərov Məhəmmədəli Bayram oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Zəngilanın azad olunmasına görə” medallarıilə təltif olunmuşdur.
22 oktyabr 2020-ci ildə Ağstafa rayonunun Poylu kəndində dəfn edilib.

Gizir ƏMİRLİ TOFİQ ŞƏMSƏDDİN OĞLU

27.02.1992-13.10.2020

27 fevral 1992-ci ildə Cəlilabad rayonunun Göytəpə şəhərində anadan olmuşdur. 1998-2009-cu illərdə Göytəpə şəhər Vüqar Mürsəlov adına 1 saylı tam orta məktəbində təhsil almışdır. 2010-2011-ci illərdə Naxçıvan sərhəd divizyasinda müddətli həqiqi hərbi xidmətdə olmuşdur. Sərhədçi peşəsinə olan marağı 2014-cü ildə Tofiqi yenidən Dövlət Sərhəd Xidməti sıralarına qaytardı. 2015-ci ilin fevral ayında təlim kurslarını uğurla başa vuran Tofiq 04.05.2018-ci il tarixədək Çevik Hərəkət Briqadasında manqa komandiri, kəşfiyyatçı vəzifələrində özünü peşəkar hərbçi kimi göstərmişdir. İşgüzar keyfiyyətlərinə görə 2018-ci ildə Çevik Hərkət Qüvvələrinin Çevik Hərəkət Dəstəsinə seçilən Tofiq zəhmətsevərliyi və intizamı sayəsində qısa müddət ərzində əməliyyatçı-snayper kimi formalaşdı.
Vətən müharibəsinin ilk günlərindən Füzuli rayonunun işğal altında olan ərazilərinin azad olunması uğrunda döyüşlərə qatılan Tofiq öz bacarığı və qorxmazlığı ilə fərqlənmişdir. Cəbrayıl və Qubadlı rayonunun işğal altındakı kəndlərinin azad olunmasında əsl rəşadət göstərmiş və oktyabrın 13-də qəhrəmancasına şəhid oldmuşdur.
Subay idi.
Gizir Əmirli Tofiq Şəmsəddin oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Xocavəndin azad olunmasına görə” medalları ilə təltif olunmuşdur.
14 oktyabr 2020-ci ildə Cəlilabad rayonunun Göytəpə şəhərində dəfn olunmuşdur.

Gizir SƏMƏDOV NİCAT ŞAHİN OĞLU

26.12.1992-22.10.2020

26 dekabr 1992-ci ildə Bakı şəhərində anadan olmuşdur. 1999-cu ildə Binəqədi rayonu Biləcəri qəsəbəsində 297 nömrəli məktəbin birinci sinfinə daxil olan olan Nicat sonradan orta təhsilini Bakı şəhəri Yasamal rayonu fizika-riyaziyyat-informatika liseyində davam etdirmişdir.

2009-cu ildən isə Bakı Dövlət İqtisadiyyat və Humanitar Kollecində öz təhsilini davam etdirərək 2011-ci ildə oranı uğurla başa vurmuşdur. Təhsilini bitirdikdən sonra müddətli həqiqi hərbi xidmətə yollanan Nicat 2011-ci ilin iyul ayından 2013-cü ilin yanvar ayına qədər həqiqi hərbi xidmətini Dövlət Sərhəd Xidmətinin Sərhəd Qoşunlarının Beyləqan rayonu 2-ci Şahsevən kəndində yerləşən sərhəd zastavasında keçib.

Hərb sənəti olan marağı onu yenidən ordu sıralarına qayıtmağa sövq etmişdir. Məhz bu maraq onu 2015-ci ildə Dövlət Sərhəd Xidməti sıralarına gətirdi, bu zaman o növbəti xidmətini Dövlət Sərhəd Xidmətinin Yevlax rayonunda yerləşən hərbi hissəsində kiçik gizir hərbi rütbəsində xidmətə davam etməyə başlamışdır. 2016-cı ilin aprel döyüşlərində iştirak etmişdir. Hər zaman öz davranışı və intizmı ilə seçilən Nicat Çevik Hərkət Qüvvələrinin Çevik Hərəkət Briqadasında taqım komandirinin müavini vəzifəsində də bir sıra uğurlara imza atmışdır. Tabeliyində olan şəxsi heyətə daim qayğı göstərən Nicat, eyni zamanda özünün də peşəkarlığının artırılmasəna xüsusi fikir verirdi.

44 günlük Vətən müharibəsi dövründə özünü əsl qəhrəman kimi göstərən Nicat döyüş yoldaşları ilə birlikdə Ağdam, Qubadlı, Cəbrayıl, Zəngilan döyüşlərində iştirak etmişdir. 22 oktyabr 2020-ci il tarixdə İran İslam respublikası ilə dövlət sərhədi tam bərpa olunduqdan sonra Zəngilan rayonu ərazisində Ermənistanla sərhəddə yerləşən Sığırd yüksəkliyinin azad olunması uğrunda gedən döyüşlərdə bölükləri ilə birlikdə düşmən pusqusuna düşmüş, yaralanmağına baxmayaraq 2 saat ərzində düşmənlə mətinliklə döyüşmüş, yoldaşlarının pusqudan çıxmasına şərait yaratmış, yüksəkliyinin azad olunmasında əsl rəşadət göstərmiş və qəhrəmancasına şəhid oldmuşdur.

Gizir Səmədov Nicat Şahin oğlu subay idi. Ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Zəngilanın azad olunmasına görə” medalları ilə də təltif olunmuşdur. 29 oktyabr 2020-ci il tarixdə Binəqədi rayonu Sulutəpə qəsəbəsində dəfn edilib.

Gizir ƏLİYEV RÜFƏT FÜZULİ OĞLU

06.12.1992-07.11.2020

6 dekabr 1992-ci ildə Bakı şəhərində anadan olmuşdiur. Orta təhsilini 1999-2010-cu illərdə Bakı şəhəri Xətai rayonu 27 saylı məktəbində alan Rüfət 2014-cü ildə Azərbaycan Kooperasiya Üniversitetində İstehlak mallarının ekspertizası və marketinqi ixtisası üzrə ali təhsil almışdır. 2014-2015-ci illərdə müddətli həqiqi hərbi xidmətdə olmuşdur.
Dövlət Sərhəd Xidmətində xidmətə qəbul olunan Rüfətin aldığı ali təhsil qısa müddətdə hərb sənətinin incəliklərinə yiyələnməsinə kömək etdi. Vətən müharibəsinin ilk günlərindən döyüşlərə qatıldı. Füzuli və Cəbrayılın bir sıra yaşayış məntəqələrinin azad olunmasında yaxından iştirak etdi. Bu döyüşlərdə bir neçə halda yaralı yoldaşlarını döyüş meydanından çıxardaraq onların həyatını xilas etdi. Zəngilan şəhərinin azad olunması uğrunda döyüşlərdə Rüfət şəxsi fədakarlıq göstərmiş, xeyli sayda düşmən əsgərini məhv etmişdir.
Zəngilan şəhəri işğaldan azad olunduqdan sonra İran İslam Respublikası dövlət sərhədinin təhlükəsizliyini təmin etmək üçün Ermənistanla dövlət sərhədində yerləşən strateji yüksəliklərin azad olunması mühüm əhəmiyyət daşıyırdı. Rüfətin də qatıldığı gərgin döyüşlərin nəticəsində həmin yüksəkliklər bir-bir düşməndən azad olundu. Böyük Zəfərə iki gün qalmış noyabrin 7-də dövlət sərhədinin üzərində yerləşən 812.0 yüksəkliyi uğrunda döyüşdə gizir Quliyev Rüfət şəhidlik zirvəsinə ucaldı.
Gizir Quliyev Rüfət Füzuli oğlu ölümündən sonra Azərbaycan Respublikasının ərazi bütövlüyünün təmin edilməsi uğrunda gedən döyüşlərdə vəzifə borcunu şərəflə yerinə yetirdiyinə görə Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Zəngilanın azad olunmasına görə” medalları ilə təltif olunmuşdur.
8 noyabr 2020-ci ildə Bakı şəhərində Suraxanı rayonu Dədə Qorqud qəsəbəsində yerləşən Şəhidlər xiyabanında dəfn edilmişdir.

Kiçik gizir RÜSTƏMOV ZAMİN SƏXAVƏT OĞLU

17.10.2000-22.10.2020

17 oktyabr 2000-ci il ildə Füzuli rayonunun Aşağı Yağlıvənd kəndində anadan olmuşdur. 2007-2018-ci illərdə həmin kənddə Bəxtiyar Əzimov adına tam orta məktəbdə orta təhsil almışdır. 2018-2020-ci illərdə Dövlət Sərhəd Xidmətində müddətli həqiqi hərbi xidmətdə olmuşdur. Hələ əsgərlik dövründə sərhədçi peşəsinə xüsusi maraq göstərən Zamin xidmətini bitirdikdən sonra Dövlət Sərhəd Xidmətində müddətdən artıq həqiqi hərbi xidmətə qəbul olundu. 2020-ci ilin aprel ayında Çevik Hərkət Qüvvələrinin Çevik Hərəkət Briqadasında manqa komandiri, tuşlayıcı-operator qismində xidmətə başlayan Zamin xidmət etdiyi müddətdə intizamlı ilə fərqlənmiş, verilmiş tapşırıqları dəqiq və vaxtında yerinə yetirmiş, keçirilən döyüş atışlı taktiki təlimlərdə yüksək peşəkarklıq nümayiş etdirmişdir.
Vətən müharibəsinə doğma Füzulidən başlayan Zamin Cəbrayıl və Zəngilan rayonları ərazisində İran İslam Respublikası ilə dövlət sərhədinin işğaldan azad olunması uğrunda döyüşlərdə iştirak etmişdir.
Kiçik gizir Rüstəmov Zamin 22 oktyabr 2020-ci il tarixdə Zəngilan rayonu ərazsində Ermənistanla sərhəddə yerləşən Sığırd yüksəkliyinin azad olunması uğrunda gedən döyüşlərdə bölükləri ilə birlikdə düşmən pusqusuna düşmüş, yaralanmağina baxmayaraq son nəfəsinə qədər vuruşmuş, yoldaşlarının pusqudan çıxmasına şərait yaratmış və həmin döyüşdə qəhrəmancasına şəhid olmuşdur.
Subay idi.
Kiçik gizir Rüstəmov Zamin Səxavət ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda” və “Zəngilanın azad olunmasına görə” medalları ilə təltif olunmuşdur.
4 dekabr 2020-ci ildə Füzuli rayonunun Aşağı Yağlıvənd kəndində dəfn olunub.

Kiçik gizir QASIMOV XALİD RAFİQ OĞLU

12.07.1996-12.10.2020

12 iyul 1996-cı ildə Cəlilabad rayonunun Moranlı kəndində anadan olmuşdur. 2013-cü ildə Qara Kazımlı adına tam orta məktəbi bitirmişdir. Məktəbdə oxudu illərdə müəllimlərinin böyük rəğbətini qazanan Xalıd hərbi hazırlıq fənninə xüsusi maraq göstərirdi. 2014-2015-ci illərdə müddətli həqiqi hərbi xidmətdə olmuşdur. Hərb sənətinə olan marağı onu Dövlət Sərhəd Xidmətinin sıralarına gətirdi. 24 avqust 2019-cu ildən Dövlət Sərhəd Xidmətinin Sərhəd Nəzarətinin Böyük Kəsik sərhəd nəzarəti şöbəsində xidmətə başlayan Xaliq qısa müddət ərzində öz intizamı, çalışqanlığı ilə kollekivin hörmətini qazandı.
Vətənə xidməti ən ali vəzifə hesab edən Xalid hər zaman düşmən tapdağında olan torpaqların azad olunması uğrunda döyüşlərdə iştirak etməyi arzulayardı. Məhz buna görə də Vətən müharibəsi başlayan kimi Xaliq könüllülərin sırasında cəbhəyə yollandı.
Vətən müharibəsinin gedişində döyüş yoldaşları ilə bir sıra uğurlu əməliyyatlarda iştirak edən Xalıd ona bəslənən ümidləri doğrultdu. Cəbrayıl istiqamətində döyüşlərin başlanması haqqında əmr alan Xalid çox böyük qürur hissi ilə döyüşlərə atıldı. Lakin bu onun son döyüşü oldu. 12 oktyabr 2020-ci il tarixdə Cəbrayıl rayonu istiqamətində növbəti döyüş tapşırığını yerinə yetirərkən qəhrəmancasına şəhid oldu.
Ailəli idi, 2 övladı var.
Kiçik gizir Qasımov Xalid Rafiq oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Cəbrayılın azad olunmasına görə” medalları ilə təltif olunmuşdur.
14 oktyabr 2020-ci ildə Cəlilabad rayonunun Moranlı kəndində dəfn olunub.

Kiçik gizir RZALI DAŞQIN ELŞAD OĞLU

27.05.1993-21.10.2020

1993-cü il mayın 27-də Naxçıvan Muxtar Respublikasının Culfa rayonunun Yaycı kəndində anadan olmuşdur. 2000-2011-ci illərdə Yaycı kənd 1 saylı orta məktəbdə təhsil almışdır. Orta məktəbi bitirdikdən sonra 2012-ci illdə müddətli həqiqi hərbi xidmətə yollanmışdır. 2014-cü ildə həbi xidmətini başa vuran Daşqın bir müddət sonra yenidən sılahlı qüvvələrin sıralarına qayıtdı. 16.02.2017-ci il tarixdən Dövlət Sərhəd Xidməti sıralarına daxil olan Daşqın Lənkəran sərhəd dəstəsində çevik hərəkət bölüyündə xidmətə başladı. 2019-cu ilin mart ayından xidmət yeri Çevik Hərkət Qüvvələrinin 2024 №-li hərbi hissəsinə dəyişdirildi.
Burada snayperçi kimi formalaşan kiçik gizir Rzalı Daşqın Vətən müharibəsi başlayar-başlamaz ilk günlərdən döyüşlərə atıldı. Füzuli və Cəbrayıl rayonlarının işğal altında olan bir sıra yaşayış məntəqələrinin azad olunmasına iştirak etmiş, Zəngilan şəhərinin azad olunması uğrunda döyüşdə fərqlənmişdir. 21 oktyabr 2020-ci il tarixdə Zəngilan şəhərinə düşmənin əks-hucumunun qarşısını alarkən kiçik gizir Rzalı Daşqın Elşad oğlu qəhrəmancasına şəhid oldu.
Ailəli idi.
Kiçik gizir Rzalı Daşqın Elşad oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Zəngilanın azad olunmasına görə” medalları ilə təltif olunmuşdur.
24 oktyabr 2020-ci ildə Culfa rayonunun Yaycı kəndində dəfn olunub.

Kiçik gizir TALIBOV TƏBRİZ MƏHƏRRƏMƏLİ OĞLU

11.06.1994-22.10.2020

11 iyun 1994-cü ildə Lerik rayonunun Ləkər kəndində anadan olmuşdur. 2000-2011-ci illərdə Siyov kənd tam orta məktəbində təhsil almışdır. 2012-ci ildə müddətli həqiqi hərbi xidmətə yollanan Təbriz əsgərlik dövründə özünün intizamı və hərb sənətinə marağı ilə seçilirdi. 2014-cü ildə təxris olunsa da bir neçə aydan sonra Dövlət Sərhəd Xidməti sıralarında xidmətə qəbul olunmaq üçün müraciət etdi. Çox keçmədi onun müraciəti müsbət həll olundu və Təbriz 2015-ci ilin sentyabr ayında Dövlət Sərhəd Xidmətinin sıralarına qəbul olundu və Çevik Hərəkət Briqadasında sürücü-mexanik kimi xidmətə başladı. Xidməti dövründə çalışqanlığı və yardımsevərliyi ilə hərbi kollektivin hörmətini qazanmışdır.
Sentyabrın 27-də başlayan Vətən müharibəsinin ilk günlərindən Təbriz Çevik Hərəkət Bölüyünün tərkibində ön cəbhəyə yollandı. Onun döyüş yolu Cəbrayıl və Zəngilan rayonlarından keçmişdir. Təbriz döyüşlərin ən qızğın vaxtlarında ona verilmiş tapşırıqların öhdəsindən laiqincə gəlmiş, ona təhkim olunmuş döyüş texnikasını daima döyüşə saz vəziyyətdə saxlamış, döyüş əməliyyatlarında ondan bacarıqla istifadə etmişdir. Bir sıra düşmən hədəflərini məhv edən Təbriz döyüş yoldaşları ilə birlikdə 2020-ci il oktyabrın 22-də Zəngilan rayonu ərazisində Sığırd yüksəkliyinin azad olunması uğrunda gedən döyüşlərdə düşmən puqusuna düşdü. İki saat ərzində düşmənlə mətanətlə vuruşaraq yoldaşlarının pusqudan çıxmasına şərait yaradan Təbriz qəhrəmancasına şəhid oldu.
Ailəli idi. İki övladı yadigar qalıb.
Kiçik gizir Talıbov Təbriz Məhərrəməli oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Zəngilanın azad olunmasına görə” medalları ilə təltif olunmuşdur.
2020-ci il oktyabrın 29-da Lerik rayonu Ləkər kəndində dəfn edilib.

Kiçik gizir YUSİFZADƏ XUDAYAR MÜSLÜM OĞLU

15.07.1998-21.10.2020

15 iyul 1998-ci il tarixdə Bərdə şəhərində anadan olmuşdur. 2004-2015-ci illərdə Bərdə rayonu 1 saylı orta məktəbdə təhsil almışdır. Orta məktəbi bitirdikdən sonra 2016-2018-ci illərdə müddətli həqiqi hərbi xidmətdə olmuşdur. 2019-cu ildən isə Dövlət Sərhəd Xidmətində xidmətə qəbul olunmuşdur. Elə həmin ildən Sərhəd Nəzarətinin “Astara” sərhəd nəzarəti şöbəsində xidmətə başlayan Xudayar qısa müddət ərzində əldə etdiyi nailiyyətlərə görə bir neçə dəfə rəisləri tərəfindən təltifləndirilmişdir. Xidmətində əldə etdiyi uğurlarla yanaşı Xudayar özünün səmimiliyi, gülərüzlüyü və mehribanlığı ilə də kollektivdə böyük hörmət qazana bilmişdir. Hələ uşaqlıq illərində aldığı musiqi təhsili sayəsində çox gözəl xanəndəlik bacarığına da mailk olan Xudayar əlamətdar günlərdə keçirilən tədbirlərdə də fəal iştirak etmişdir.
Vətən müharibəsi başlayanda könüllülər sırasında cəbhəyə yollanan Xudayar Fuzuli, Cəbrayıl və Hadrut istiqamətində gedən döyüşlərdə rəşadət göstərmişdir. 21 oktyabr 2020-ci ildə bir gün əvvəl işğaldan azad olunmuş Zəngilan şəhərinə düşmənin əks-hucumunun qarşısını alarkən müharibənin gedişatında öz mahnıları ilə dastana dönən kiçik gizir Yusifzadə Xudayar qəhrəmancasına şəhid oldu.
Subay idi.
Kiçik gizir Yusifzadə Xudayar Müslüm oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Azərbaycan Bayrağı” ordeni, “Vətən uğrunda” və “Zəngilanın azad olunmasına görə” medalları ilə təltif olunmuşdur.
23 oktyabr 2020-ci ildə Bərdə şəhərində dəfn edilib.

Kiçik gizir NAMAZOV ELCAN HİSAYYƏT OĞLU

01.06.1997-09.10.2020

1 iyun 1997-ci ildə Qazax rayonunun Dəmirçilər kəndində anadan olmuşdur. 2004-cü ildə həmin kənddə Emin Qurbanov adına orta məktəbin 1-ci sinifə daxil olan Elcan sonradan öz təhsilini Qazax rayonunda yerləşən Texniki Kollecdə davam etdirmişdir. 2015-ci oldə həmin kolleci müvəffəqiyyətlə bitirən Elcan müddətli həqiqi hərbi xidmətə yollandı. 2016-2018-ciillərdə Dövlət Sərhəd Xidmətinin Lənkəran Sərhəd Dəstəsində müddətli həqiqi hərbi xidmətdə olan Elcan əsgər və zabitlərin böyük hörmətini qazanmışdır. Sərhədçi peşəsinə maraq göstərən Elcan xidmətini başa vurduqdan sonra 22.06.2019-cu ildə müddətdən artıq həqiqi hərbi xidmətə qəbul olundu. 4 aylıq hazırlıq kursunu müvəffəqiyyətlə başa vuran Elcan Dövlət Sərhəd Xidmətinin Çevik Hərəkət Qüvvələrinin Çevik Hərəkət Briqadasında xidmətə başladı. Xidmət etdiyi dövrdə müxtəlif vəzifələrin öhdəsindən məharətlə gələn Elcan öz intizamı və çalışqanlığı ilə seçilirdi.
Vətən müharibəsi başlayanda Elcan da digər sərhədçi yoldaşları kimi ön cəbhəyə yollandı. Füzuli və Cəbrayıl istiqamətlərində ağır döyüşlərdə iştirak etdi. Ancaq, təssüf ki, Elcanın döyüş yolu qısa oldu. Oktyabrın 9-da Xocavənd rayonu Hadrut qəsəbəsi istiqamətində gedən döyüşlərdə qəhrəmancasına şəhid oldu.
Subay idi.
Kiçik gizir Namazov Elcan Hidayyət oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Xocavəndin azad olunmasına görə” medallarıilə təltif olunmuşdur.
16 oktyabr 2020-ci ildə Qazax rayonunun Dəmirçilər kəndində dəfn olunub.

Kiçik gizir RAMAZANLI ƏLİZAMİN ÜMİD OĞLU

09.05.2000-09.10.2020

9 may 2000-ci ildə Bərdə rayonunun Şirvanlı kəndində anadan olmuşdur. 2006-2017-ci illərdə Bərdə şəhərində yerləşən Şuşa rayon 19 saylı orta məktəbində təhsil almışdır. 2018-2020-ci illərdə Dövlət Sərhəd Xidmətinin Sərhəd Qoşunlarının Göytəpə sərhəd dəstəsində müddətli həqiqi hərbi xidmətdə olan Əlizamin özünün intizamı ilə digərlərindən seçilirdi. Komandirləri tərəfindən bir neçə dəfə təltifləndirilən Əlizamin əsgərliyi başa vurduqdan sonra da qalıb xidmət eləmək fikrində idi. Məhz buna görə də o, Dövlət Sərhəd Xidmətinə müraciət etdi. 2020-ci ilin fevral ayında xidmətə qəbul olunan Əlizamin Çevik Hərəkət Qüvvələrinin Artileriya Briqadasında kəşfiyyatçı kimi xidmətə başladı.
Vətən müharibəsi başlayanda Çevik Hərəkət Dəstəsinə ezam olunan Əlizamin döyüş taborunun tərkibində müxtəlif təlimlərə cəlb olundu. Təlimlər zamanı özünü əsl döyüşçü kimi göstərən Əlizamini gedən döyüşlər əsla qorxutmurdu. Hər an veriləcək döyüş əmrini gözləyirdi. Və bir gün gözlənilən əmr gəldi.
Əlizamin döyüş yoldaşları ilə birlikdə Cəbrayıl və Füzuli istiqamətlərində bir sıra döyüş tapşırıqlarını uğurla icra etdi. Əlizaminin ən böyük arzularından biri də doğma Şuşanın azad olunmasında iştirak etmək idi. Ancaq, namərd gülləsi onun bu arzusuna mane oldu. Oktyabrın 9-da Xocavənd rayonunun Hadrut qəsəbəsi istiqamətində gedən döyüşlərdə qəhrəmancasına şəhid oldu.
Subay idi.
Kiçik gizir Ramazanlı Əlizamin Ümüd oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Xocavəndin azad olunmasına görə” medalları ilə təltif olunmuşdur.
16 oktyabr 2020-ci ildə Bərdə rayonunun Şirvanlı kəndində dəfn olunub.

Kiçik gizir MUSTAFAYEV ƏKBƏR NATİQ OĞLU

02.07.2000-09.10.2020

2 iyul 2000-ci ildə Bərdə rayonunun Mirzəxan kəndində anadan olmuşdur. 2006-cı ildə kənd orta məktəbinin birinci sinfinə qəbul olan Əkbər orta məktəbi bitirdikdən sonra 2018-ci ildə müddətli həqiqi hərbi xidmətə yola düşdü. Dövlət Sərhəd Xidmətinin Aviasiya dəstəsində xidmətə başlayan gənc əsgər Mustafayev Əkbər qısa zamanda komandirlərin və rəislərin rəğbətini qazandı. Özünün təlim-tərbiyəsi ilə hər zaman fərqlənən Əkbər komandirlərinin ona verdiyi hər bir göstərişi böyük səylə yerinə yetirirdi.
2020-ci ildə müddətli həqiqi hərbi xidmətini başa vuran Əkbər öz arzusu ilə vaxtilə əsgər kimi xidmət etdiyi Çevik Hərəkət Qüvvələrinin Artileriya Briqadasında istehkamçı-minaaxtaran vəzifəsində həqiqi hərbi xidmətə qəbul olundu.
Sentyabrın 27-də Vətən müharibəsi başlayan kimi digər silah yoldaşları kimi Əkbər də ön cəbhəyə yollandı. Müharibənin ilk günlərində cəbhənin Füzuli və Cəbrayıl istiqamətlərində gedən döyüşlərə qoşuldu. Döyüşlərdə özünün fəallığı ilə seçilən Əkbər bir sıra yaşayış məntə¬qələrimizin azad olunmasında yaxından iştirak etdi. Oktyabrın 9-da Hadrut istiqamətində gərgin keçən döyüşlərdə düşmən gülləsinə sinəsini sipər edən Əkbər gözlərini əbədi yumdu.
Subay idi.
Kiçik gizir Mustafayev Əkbər Natiq oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Xocavəndin azad olunmasına görə” medalları ilə təltif olunmuşdur.
16 oktyabr 2020-ci ildə Bərdə rayonunun Mirzəxan kəndində dəfn olunub.

Kiçik gizir ABASOV DAVUD YALÇIN OĞLU

19.11.1999-09.10.2020

19 noyabr 1999-cu ildə Cəlilabad rayonunun Uzuntəpə kəndində anadan olmuşdur. 2006-cı ildə Sabirabad rayonu Nizami Məmmədov adına məktəbin birinci sinfinə qəbul olunan Davud sonradan öz təhsilini Eldəniz Məmmədov adına orta məktəbdə davam etdirmişdir. 2018-2019-cu illərdə Dövlət Sərhəd Xidmətinın Xudat sərhəd dəstəsində müddətli həqiqi hərbi xidmətdə olmuşdur. Müddətli həqiqi hərbi xidmətini başa vurduqdan sonra Davud qalıb xidmət eləmək üçün müraciət etmiş və müraciətinə müsbət cava verilmişdir. Beləliklə, 2020-ci ilin mart ayından etibarən Çevik Hərəkət Qüvvələrinin Artileriya Briqadasında kəşfiyyat manqasının snayperçisi vəzifəsində xidmətə başlamışdır.
Vətən müharibəsinin gedişində bir sıra döyüş tapşırıqlarına cəlb olunmuş və nailiyyətlər qazanmışdır. Xüsusilə Xocavənd rayonu ərazisində döyüşlərdə fərqlənmişdir. Sonuncu döyüşü Hadrut qəsəbəsi istiqamətində olmuşdur. Gərgin döyüşlərdə sonadək vuruşan Davud oktyabrın 9-da qəhrəmancasına şəhid oldu.
Subay idi.
Kiçik gizir Abasov Davud Yalçın oğlu ölümündən sonra Azərbaycan Respublikasının Prezidenti, Ali Baş Komandan İlham Əliyev tərəfindən “Vətən uğrunda”, “Döyüşdə fərqlənməyə görə” və “Xocavəndin azad olunmasına görə” medalları ilə təltif olunmuşdur
2020-ci il oktyabrın 16-da Cəlilabad rayonunun Uzuntəpə kəndində dəfn olunmuşdur.

Kiçik gizir MƏMMƏDOV ƏLİ ZEYNAL OĞLU

13.04.2000-09.10.2020

13 aprel 2000-ci ildə Yevlax şəhərində anadan olmuşdur. 2007-2018-ci illərdə Yevlax şəhəri Qənbər Məhərrəmov adına 4 saylı tam orta məktəbdə təhsil almışdır. 2018-ci ildə Dövlət Sərhəd Xidmətinın Horadiz sərhəd dəstəsində müddətli həqiqi hərbi xidmətə başlayan Əli cənub sərhədlərimizin mühafizəsində sərhəd pozucularına qarşı amansız olmuş, xidmətdə fərqlənmişdir. Peşəkar sərhədçi olmaq istəyi Əlini 2020-ci ilin fevral ayında Dövlət Sərhəd Xidməti sıralarına qaytardı. Çevik Hərəkət Qüvvələrinin Artileriya Briqadasında istehkamçı-minaaxtaran vəzifəsində xidmətə başlayan kiçik gizir Məmmədov Əli qısa müddət ərzində öz tərbiyəsi və çalışqanlığı ilə kollektivin dərin hörmətini qazandı.
2020-ci il sentyabrın 27-də başlayan Vətən müharibəsindən kənarda qala bilməyən Əli ilk günlərdən döyüş meydanına yollandı. Xocavənd rayonunun bir sıra yaşayış məntəqələri-nin azad olunmasında iştirak edən Əli fədakarlığı və qorxmazlığı ilə fərqlənmişdir. Oktyabrın 9-da Hadrut istiqamətində gedən gərgin döyüşlərdə Əli qəhrəmancasına şəhid oldu.
Subay idi.
Kiçik gizir Məmmədov Əli Zeynal oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Xocavəndin azad olunmasına görə” medalları ilə təltif olunmuşdur.
16 oktyabr 2020-ci ildə Yevlax şəhərində dəfn olunub.

Kiçik gizir PAXIROV ELSEVƏR EYVAZ OĞLU

19.07.1997-09.10.2020

19 iyul 1997-ci ildə Balakən rayonunun Hənifə kəndində anadan olmuşdur. 2003-2012-ci illərdə həmin kənddə Rokəhməd adına kənd adlı orta məktəbində təhsil almışdır. 2015-2017-ci illərdə Dövlət Sərhəd Xidmətinin Naxçıvan əlahiddə sərhəd divizyasinda müddətli həqiqi hərbi xidmətdə olmuşdur. 24.03.2020-ci il tarixdən öz istəyi ilə Dövlət Sərhəd Xidmətinin sıralarına müddətdən artıq həqiqi hərbi xidmətə qəbul olunan Elsevər Çevik Hərə¬kət Qüvvələrinin Artileriya Briqadasında kəşfiyatçı-rabitəçi vəzifəsində xidmətə başlamışdır.
Vətən müharibəsi başlayanda Elsevər ilk döyüşlərə qatilan sərhədçilərdən biri olub. Cəsur bir kəşfiyyatçı kimi uğurlu əməliyyatlarda iştirak edən Elsevər verilən döyüş tapşırıq-larını layiqincə yerinə yetirmişdir. Cəbhənin Xocavənd rayonu ərazisində gedən döyüşlərdə Elsevər xüsusi fərqlənmişdir. Oktyabrın 9-da Hadrut istiqamətində gedən ağır döyüşlərdə qəhrəmancasına şəhid oldu.
Subay idi.
Kiçik gizir Paxırov Elsevər Eyvaz oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Xocavəndin azad olunmasına görə” medalları ilə təltif olunmuşdur
16 oktyabr 2020-ci ildə Balakən rayonunun Hənifə kəndində dəfn olunmuşdur.

Kiçik gizir QULİYEV FƏRİD AYAZXAN OĞLU

28.10.1994-09.10.2020

28 oktyabr 1994-cü ildə Cəlilabad rayonunun Babalı kəndində anadan olmuş və 2000-2011-ci illərdə həmin kənddə orta təhsil almışdır. 2012-2014-cü illərdə müddətli həqiqi hərbi xidmətdə olmuşdur. 2019-cu ilin oktyabr ayında Dövlət Sərhəd Xidmətinin sıralarına qəbul olunan Fərid ilkin hazırlıq kursunu keçdikdən sonra 13.03.2020-ci il tarixdən xidmətini davam etdirmək üçün Sərhəd Qoşunlarının Xudat sərhəd dəstəsinə göndərilmişdir. Fərid kəşfiyyatçı kimi xidmətini davam etdirmək istəyirdi. Bu arzusunu reallaşdırmaq üçün o, öz xidməti yerinin Qazax əlahiddə sərhəd diviziyasına dəyişdirilməsi barədə müraciət etmişdi. Məhz bu müraciətlərdən sonra Fəridin xidmət yeri əməliyyat şəraiti daha çətin olan Qazax əlahiddə sərhəd diviziyasına dəyişdirildi. Ermənistanla bilavasitə həmsərhəd ərazilərdə xidmət Fərid üçün nə qədər çətin olsa da, bir o qədər də qürurverici idi və öz vəzifələrinin öhdəsindən layiqincə gəlirdi.
Sentyabrın 27-də Vətən müharibəsi başlayanda Fərid birbaşa döyüşlərə yollandı. Xocavənd rayonu ərazisində bir sıra uğurlu döyüş əməliyyatlarının iştirakçısı olan Fərid vətən torpaqlarının işğaldan tam azad olunması arzusu ilə alışıb yanırdı. Lakin onun döyüş yolu qısa oldu və böyük Zəfəri görə bilmədi. Oktyabrın 9-da Hadrut uğrunda döyüşlərdə fərqlənən Fərid düşmən gülləsinə sipər olaraq gözlərini əbədi yumdu və şəhidlik zirvəsinə ucaldı.
Subay idi.
Kiçik gizir Quliyev Fərid Ayazxan oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Xocavəndin azad olunmasına görə” medalları ilə təltif olunmuşdur.
16 oktyabr 2020-ci ildə Cəlilabad rayonunu, Babalı kəndində dəfn olunub.

Kiçik gizir BAĞIRLI MİRSƏDİ MİRCƏFƏR OĞLU

12.06.2020-09.10.2020

12 iyun 2000-ci ildə Tərtər rayonunun Umudlu kəndində anadan olmuşdur. 2006-2015-ci illərdə Tərtər rayonu ərazisində yerləşən Kəlbəcər rayon 66 saylı orta məktəbində təhsil almışdır. Sonralar öz təhsilini Bərdə liseyində davam etdirən Mirsədi 2018-ci ildə oranı təmirçi-çilingər avtomobil sürücüsü ixtisası üzrə bitirmişdir. 2018-2020-ci illərdə Dövlət Sərhəd Xidmətində müddətli həqiqi hərbi xidmətdə olarkən sərhədçi peşəsinə maraq göstərən Mirsədi müddətdən artıq həqiqi hərbi xidmətə qəbul olunmaq üçün müraciət etdi. 08.02.2020-ci il tarixdən xidmətə qəbul olunan Mirsədi qısa müddət ərzində xidmət etdiyi Çevik Hərəkət Briqadasında rəislərinin və yoldaşlarının etimadını qazana bildi.
Vətən müharibəsi başlayanda Mirsədi snayperçi kimi cəbhəyə yollandı. Cəbrayıl və Xocavənd rayonları ərazisində gedən döyüşlərdə fərqlənmişdir. Ancaq təəssüf ki, onun döyüş yolu qısa oldu. Mirsədi oktyabrın 9-da Hadrut istiqamətində gedən döyüşlərdə qəhrəmancasına şəhid oldu.
Subay idi.
Kiçik gizir Bağırlı Mirsədi Mircəfər oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Xocavəndin azad olunmasına görə” medalları ilə təltif olunmuşdur.
11 oktyabr 2020-ci ildə Bərdə rayonunun Mehdixanlı kəndində dəfn olunub.

Kiçik gizir TAĞIYEV ŞAHİN RƏHİM OĞLU

03.07.2000-09.10.2020

3 iyul 2000-ci ildə Goranboy rayonunun Qaradağlı kəndində anadan olmuşdur. 2006-2017-ci illərdə Mübariz Tağıyev adına orta məktəbdə təhsil almışdır. 2018-2020-ci illərdə Dövlət Sərhəd Xidmətinin Sərhəd Qoşunlarının Lənkəran sərhəd dəstəsində müddətli həqiqi hərbi xidmətdə olmuşdur. Xidməti başa vurduqdan dərhal sonra peşəkar sərhədçi olmaq arzusu ilə yenidən Dövlət Sərhəd Xidmətinin sıralarına qəbul olundu. 08.02.2020-ci il tarixdən artileriya briqadasinda kəşfiyat taqımında snayperçi vəzifəsində xidmətə başlayan Şahin çalışqanlığı və intizamı ilə qısa müddətdə rəislərinin və yoldaşlarının etimadını qazandı.
Vətən müharibəsinin ilk günlərindən çevik hərəkət dəstəsinin tərkibində ağır döyüşlərə qoşulan Şahin Xocavənd rayonu istiqamətində gedən döyüşlərdə fərqlənmişdir. Oktyabrın 9-da Hadrut qəsəbəsi uğrunda gedən döyüşlərdə qəhrəman¬casına şəhid oldu.
Subay idi.
Kiçik gizir Tağıyev Şahin Rəhim oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Xocavəndin azad olunmasına görə” medalları ilə təltif olunmuşdur.
20 oktyabr 2020-ci ildə Goranboy rayonunun Qaradağlı kəndində dəfn olunub.

Kiçik gizir HÜSEYNOV İMAMALI CƏLİL OĞLU

03.12.1992-09.10.2020

3 dekabr 1992-ci ildə Zəngilan rayonunun Tağlı kəndində anadan olmuşdur. 1999-2008-ci illərdə Abşeron rayonu Mehdiabad qəsəbəsində 2 saylı tam orta məktəbdə 9-cu sinifə qədər təhsil almışdır. 2008-ci ildən texniki kollecdə öz təhsilini davam etdirən İmaməli 2010-cu ildə oranı sürücülük-mexanik ixtisası üzrə bitirmişdir. 2011-2012-ci illərdə müddətli həqiqi hərbi xidmətdə olmuşdur. 2019-cu ilin sentyabr ayından Dövlət Sərhəd Xidməti sıralarına qəbul olunan İmaməli beş aylıq hazırlıq kursunu müvəffəqiyyətlə başa vurduqdan sonra Çevik Hərəkət Qüvvələrinin Çevik Hərəkət Briqadasında müxtəlif vəzifələrdə xidmət etmişdir. İmaməli ona verilən tapşırıqların öhdəsindən hər zaman bacarıqla gəlmiş, qısa müddətdə komadirlərin və şəxsi heyətin hörmətini qazanmışdır.
Vətən müharibəsi başlayanda Çevik Hərəkət Dəstəsinin tərkibində cəbhəyə yollanan İmaməlinin ən böyük arzusu doğulduğu, lakin görmədiyi doğma Zəngilanın işğaldan azad olunması idi. Xocavənd rayonu ərazisində gedən döyüşlərdə fəal iştirak edən İmaməlinin Zəngilana gedən yolu Hadrutda kəsildi. Oktyabrın 9-da Hadrut istiqamətində gedən gərgin döyüşlərdə qəhrəmancasına şəhid oldu.
Subay idi.
Kiçik gizir Hüseynov İmaməli Cəlil oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Xocavəndin azad olunmasına görə” medalları ilə təltif olunmuşdur.
22 oktyabr 2020-ci il tarixdə Sumqayıt şəhərində Şəhidlər xiyabanında dəfn edilib.

Kiçik gizir MƏMMƏDLİ ƏŞRƏF ELMAN OĞLU

15.09.1999-13.10.2020

15 sentyabr 1999-cu ildə İsmayıllı rayonunun Maçaxı kəndində anadan olmuşdur. 2005-ci ildə Maçaxı kənd orta məktəbinin birinci sinfinə gedən Əşrəf, sonradan orta təhsilini Tircan kənd Musa Piriyev adına məktəbdə davam etdirmişdir. Əşrəf Abşeron rayon Binə Peşə liseyində öz təhsilini davam etdirmiş və 2017-ci ildə oranı uğurla bitirimişdir. 2018-2019-cu illərdə Dövlət Sərhəd Xidmətinin Qazax əlahiddə sərhəd diviziyasında müddətli həqiqi hərbi xidmətdə olmuşdur. Səngərdə düşmənlə üz-üzə xidmət zamanı formalaşan Vətənə məhəb¬bət və düşmənə nifrət hissləri müddətli həqiqi hərbi xidmətini başa vurduqdan sonra Əşrəfin yenidən, bu dəfə müddətdən artıq həqiqi hərbi qulluqçu qismində Dövlət Sərhəd Xidmətinə qayıtmasına səbəb oldu. 25.11.2019-cu il tarixdən xidmətə qəbul olunan Əşrəf 4 aylıq təlim kursunu müvəffəqiyyətlə başa vurluqdan sonra əvvəlcə Göytəpə sərhəd dəstəsində, sonra isə onun üçün doğma olan Qazax əlahiddə sərhəd diviziyasında kəşfiyyat taqımında snayperçi vəzifəsində xidmətini davam etmişdir.
Vətən müharibəsi başlayanda Əşrəf Çevik Hərəkət Dəstəsinin tərkibində ön cəbhəyə yollandı. Əşrəf snayperçi kimi təlimlərdə aldığı təcrübəni döyüşlərdə böyük uğurla tətbiq edirdi. Döyüş yolu Füzulidən başlayan Əşrəf Hadrut qəsəbəsinin və Cəbrayıl rayonunun yaşayış məntəqələri uğrunda gedən döyüşlərdə fərqlənmişdir.
Düşməndən çoxlu sayda silah-sursatın qənimət götürüldüyü, düşmənin çoxlu sayda canlı qüvvəsinin məhv edildiyi Cəbrayıl rayonunun Mirək, Kavdar və Hacılı kəndlərinin işğaldan azad edilməsi uğrunda döyüşlərdə şücaət göstərən Əşrəf oktyabrın 13-də qəhrəmancasına şəhid oldu.
Subay idi.
Kiçik gizir Məmmədli Əşrəf Elman oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Cəbrayılın azad olunmasına görə” medalları ilə təltif olunmuşdur.
17 noyabr 2020-ci il tarixdə İsmayıllı rayonu Maçaxı kəndində dəfn olunub.

Kiçik gizir ŞIXIYEV SƏYYAD ABDUL OĞLU

04.09.1999-13.10.2020

4 sentyabr 1999-cu ildə Saatlı rayonunun Qaralar kəndidə anadan olmuşdur. 2006-2017-ci illərdə Ələddin Şüküroğlu adına Saatlı rayonunun Varxan kənd tam orta məktəbində təhsil almışdır. 2018-2019-cu illərdə Dövlət Sərhəd Xidmətinin Sərhəd Qoşunlarının Zaqatala sərhəd dəstəsində müddətli həqiqi hərbi xidmətdə olmuşdur. Əsgərliyini uğurla başa vurduqdan sonra müddətdən artıq həqiqi hərbi xidmət hərbi qulluqçusu qismində xidməti etmək üçün müraciət etmişdir. 2020-ci il mart ayında Dövlət Sərhəd Xidməti sıralarına qəbul olunan Səyyad Zaqatala sərhəd dəstəsində xidmətə başlamış, iyun ayından isə könüllü olaraq xidmət yeri Qazax əlahiddə sərhəd diviziyasına kəşfiyyat bölüyünə dəyişdirilmişdir.
Vətən müharibəsi başlayanda Çevik Hərəkət Dəstəsinin tərkibində döyüş əməliy¬yat-larına qoşulan Səyyad Füzuli və Cəbrayıl rayonları ərazisində gərgin döyüşlərdə iştirak etmiş, strateji əhəmiyyətli bir neçə düşmən postunun alınmasında fərqlənmişdir. Cəbrayıl rayonunun bir sıra kəndlərinin işğaldan azad edilməsi uğrunda döyüşlərdə şücaət göstərən Səyyad oktyabrın 13-də qəhrəmancasına şəhid oldu.
Kiçik gizir Şıxıyev Səyyad Abdul oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Cəbrayılın azad olunmasına görə” medalları ilə təltif olunmuşdur.
17 oktyabr 2020-ci il tarixdə Saatlı rayonu Qaralar kəndində dəfn olunub.

Kiçik gizir İBRAHİMOV ELNUR DÖNMƏZ OĞLU

29.08.1998-21.10.2020

29 avqust 1998-ci ildə Bakı şəhərində anadan olmuşdur. 2004-2015-ci illərdə Ələt qəsəbəsində 302 saylı tam orta məktəbdə təhsil almışdır. 2016-2018-ci illərdə Dövlət Sərhəd Xidmətinin Naxçıvan əlahiddə sərhəd diviziyasında müddətli həqiqi hərbi xidmətdə olmuşdur. Peşəkar sərhədçi olmaq arzusu onu yenidən Dövlət Sərhəd Xidmətinə qaytardı. 23.04.2019-cu ildə müddətdən artıq həqiqi hərbi xidmətə qəbul olunan Elnur Dövlət Sərhəd Xidmətinin Sərhəd Qoşunlarının Lənkəran sərhəd dəstəsinin 4-cü sərhəd zastavasında qrup komandiri vəzifəsinə təyin olundu. Sərhəd zastavasında xidmət etdiyi müddətdə çalışqanlığı və qayğıkeşliyi sayəsində tabeliyindəki şəxsi heyətin və rəislərinin rəğbətini qazana bildi.
Vətən müharibəsi başlayanda Elnur könüllü olaraq döyüş taborunun tərkibində ön cəbhəyə yollandı. Bir sıra döyüş əməliyyatlarında iştirak edən Elnur mərdliyi və qorxmazlığı ilə seçilirdi. 24 gün ərzində ən gərgin döyüşlərə qatılan Elnur Cəbrayılın azad olunmasında xüsusi fərqlənmişdir. 21 oktyabr 2020-ci il tarixdə bir gün əvvəl işğaldan azad olunmuş Zəngilan şəhərinə düşmənin əks-hucumunun qarşısını alarkən kiçik gizir İbrahimov Elnur qəhrəmancasına şəhid oldu.
Subay idi.
Kiçik gizir İbrahimov Elnur Dönməz oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Cəbrayılın azad olunmasına görə” medalları ilə təltif olunmuşdur.
22 oktyabr 2020-ci il tarixdə Hacıqabul rayonu Nəvahi qəsəbəsində dəfn edilib.

Kiçik gizir İBRAHİMOV SULTAN MİKAYIL OĞLU

24.04.1996-21.10.2020

24 aprel 1996-ci ildə Salyan şəhərində anadan olmuşdur. Salyan şəhərində 1 saylı humanitar təmayüllü məktəb-liseyi bitirdikdən sonra 2013-cü ildə təhsilini Bakı Biznes və Kooperasiya Kollecində təhsil almışdır. 2016-2018-ci illərdə müddətli həqiqi hərbi xidmətdə olmuşdur. 18.10.2019-cu il tarixdən müddətdən artıq həqiqi hərbi xidmət hərbi qulluqçusu qismində Dövlət Sərhəd Xidmətində xidmətə qəbul olunan Soltan 4 aylıq «Dənizçi mütəxəssislərin hazırlanması kursu»nu müvəffəqiyyətlə bitirdikdən sonra Dövlət Sərhəd Xidmətinin Sahil Mühafizəsində xidmətə başladı. Xidmət etdiyi dövrdə özünü bacarıqlı və intizamlı sərhədçi kimi göstərmişdir.
Vətən müharibəsinin ilk günlərindən könüllü olaraq Çevik Hərəkət Dəstəsinin tərkibində cəbhəyə yollanan Sultan döyüşlərdə əsl qorxmazlıq nümunəsi göstərir, öz fədakarlığı ilə döyüş yoldaşlarına dəstək olurdu. Zəngilan şəhərinin azad olunmasında rəşadət göstərən Sultan oktyabrın 21-də Zəngilan şəhərinə düşmənin əks-hucumunun qarşısını alarkən qəhrəmancasına şəhid oldu.
Subay idi.
Kiçik gizir İbrahimov Sultan Mikayıl oğlu ölümündən sonra Azərbaycan Respublika-sının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”,“Döyüşdə fərqlənməyə görə” və “Zəngilanın azad olunmasına görə” medalları ilə təltif olunmuşdur.
2020-ci il oktyabrın 24-də Salyan şəhərində dəfn edilib.

Kiçik gizir XOSROVZADƏ İLKİN AZAY OĞLU

01.12.1997-22.10.2020

1 dekabr 1997-ci ildə Abşeron rayonunun Ceyranbatan qəsəbəsində anadan olmuşdur. 2004-2015-ci illərdə Laçın rayonunun Bayram Məmmədov adına orta məktəbində təhsil almışdır. 2015-ci ildə Bakı Biznes Universitetine daxil olan 2017-ci ildə təhsilini müvəqqəti dayandıraraq hərbi xidmətə yollanmışdır. İlkin müddətli həqiqi hərbi xidmətini Dövlət Sərhəd Xidmətinın Sərhəd Qoşunlarının Zaqatala sərhəd dəstəsində keçmişdir. Əsgərliyi başa vurduqdan sonra İlkin peşəkar sərhədçi olmaq qərarına gəlir 24.04.2020-ci il tarixdən Dövlət Sərhəd Xidmətində müddətdən artıq həqiqi hərbi xidmətə qəbul olunur. Vətən müharibəsi başlayanda İlkin Dövlət Sərhəd Xidmətinin Çevik Hərəkət Qüvvələrinin Çevik Hərəkət Briqadasında istehkamçı-minaaxtaran vəzifəsində xidmətə edirdi. İlkin 1-ci çevik hərəkət taborunda xidmət etdiyi müddətdə intizamlı olmuş, üzərinə düşən vəzifələrin öhdəsindən laiqincə gəlmişdir. Doğma Laçının timsalında digər işğal altında olan torpaqlarımızın azad olunması onun ən böyük arzusu idi. Buna görə də İlkin müharibə başlayan kimi dərhal ön cəbhəyə yollandı. Füzuli və Cəbrayıl istiqamətlərində gedən döyüşlərdə iştirak edən İlkin, Zəngilan şəhəri və ətraf ərazilərin, İran İslam Respublikası ilə dövlət sərhədinin işğaldan azad olunmasında rəşadət göstərmişdir. Oktyabrın 22-də Zəngilan rayonu ərazisində Sığırd yuksəkliyinin azad olunması uğrunda döyüşdə başından qəlpə yarası alan İlkini xilas etmək mümkün olmadı və o qəhrəmancasına şəhid oldu. Subay idi. Kiçik gizir Xosrovzadə İlkin Azay oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən 3-cü dərəcəli “Vətənə xidmətə görə” ordeni, “Vətən uğrunda” və “Zəngilanın azad olunmasına görə” medalları ilə təltif olunmuşdur. 25 oktyabr 2020-ci il tarixdə Sulutəpə qəsəbəsində dəfn edilib.

Kiçik gizir ŞÜKÜROV ALİM DAVUD OĞLU

23.05.1998-22.10.2020

23 may 1998-ci ildə Cəlilabad rayonunun Ağdaş kəndində anadan olmuşdur. 2004-2015-ci illərdə Ağdaş kənd tam orta məktəbində təhsil almışdır. 2018-ci ildə Cəlilabad Peşə Liseyini uğurla bitirən Alim müddətli həqiqi hərbi xidmətə yollanmışdır. 2018-2020-ci illərdə Dövlət Sərhəd Xidmətinin Sahil Mühafizəsində müddətli həqiqi hərbi xidmətdə olduğu müddətdə özünü intizamlı əsgər kimi göstərmiş, komandirlərin və rəislərin rəgbətini qazan-mışdır. Məhz burada xidmət edərkən o, peşəkar sərhədçi olmaq fikrinə gəlir. oltanıtmış,
2020-ci ilin fevral ayından xidmətə qəbul olunan Alim bu dəfə Çevik Hərəkət Qüvvələrinin Artileriya Briqadasında kəşfiyyatçı qismində xidmətə başlamışdır. Sentyabrın 27-də Vətən müharibəsi başlayanda cəbhəyə yollanan Alim Cəbrayıl və Zəngilan istiqamətində gedən döyüşlərdə fəal iştirak etmiş, bir sıra döyüş tapşırıqlarını ugurla yerinə yetirmişdir. Zəngilan şəhərinin və ətraf ərazilərin işğaldan azad olunmasında rəşadət göstərmişdir. 21 oktyabr 2020-ci il tarixdə Zəngilanının itirilməsi ilə barışmaq istəməyən düşmən əks-hücüma keçmişdir. Düşmənin 40-dan artıq hərbi qulluqçusunun məhv edildiyi və bir neçəsinin əsir götürüldüyü və darmadağın olunduğu döyüşdə Alim ağar yaralandı. Təxliyə olunduğu Füzuli Dioqnostika Mərkəzində cərrahiyə əməliyyatı olunmağına baxmayaraq 22 oktyabr 2020-ci il tarixdə şəhid oldu.
Subay idi.
Kiçik gizir Şükürov Alim Davud oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “Döyüşdə fərqlənməyə görə” və “Zəngilanın azad olunmasına görə” medalları ilə təltif olunmuşdur.
7 noyabr 2020-ci il tarixdə Cəlilabad rayonunun Ağdaş kəndində dəfn edilib.

Kiçik gizir QASIMOV MİRAĞA HAFİS OĞLU

08.01.1995-06.11.2020

8 yanvar 1995-ci ildə Cəlilabad rayonunun Moranlı kəndində anadan olmuşdur. 2002-ci ildə kənd orta məktəbinin birinci sinfinə daxil olan Mirağa, sonradan təhsilini Qara Kazımlı adına tam orta məktəbdə davam etdirmişdir. 2013-2014-cü illərdə müddətli həqiqi hərbi xidmətdə olmuşdur. Hərb sənətinə olan maraq 2015-ci ildə onu Dövlət Sərhəd Xidmətinə gətirdi. Çevik Hərəkət Qüvvələrinin Çevik Hərəkət Dəstəsində xidmətə başlayan Mirağa yüksək fiziki hazırlığı, intizamı və çalışqanlığı sayəsində qısa müddətdə peşəkar hərbi qulluqçu kimi formalaşdı. Xüsusi döyüş tapşırıqların icrasında, müxtəlif taktiki təlimlərdə yüksək nəticələr göstərərək rəislərinin və yoldaşlarının etimadını qazanmışdır.
2020-ci ildə Vətən müharibəsi başlayanda Mirağa da digər döyüş yoldaşları kimi ərazi bütövlüyümüz uğrunda gedən döyüşlərə qoşuldu. Füzuli cə Cəbrayıl istiqamətlərində gedən qanlı döyüşlərdə iştirak edən Mirağa bir sıra yaşayış məntəqələrimizin azad olunmasında rəşadət göstərmiş, Zəngilan şəhərinin və ətraf ərazilərin azad olunmasında düşmənə sarsıdıcı zərbələr vuran bölmələrin tərkibində xüsusi fərqlənmişdir.
21 oktyabr 2020-ci il tarixdə Zəngilanı geri qaytarmaq ümidi ilə əks-hücüma keçən düşmən qüvvələrinin darmadağın edildiyi döyüşdə qəhrəmanlıq göstərən Mirağa ağır yaralandı. Bakı şəhərinə təxliyə olunaraq ölkəmizin ən qabaqcıl tibb müəssisələrində müalicə alan kiçik gizir Qasımov Mirağa bütün səylərə baxmayaraq noyabrın 6-da gözlərini əbədi yumaraq şəhidlik zirvəsinə yüksəldi.
Subay idi.
Kiçik gizir Qasımov Mirağa Hafis oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Qarabağ” ordeni, “Vətən uğrunda” və “Zəngilanın azad olunmasına görə” medalları ilə təltif olunmuşdur.
7 noyabr 2020-ci il tarixdə Cəlilabad rayonu Moranlı kəndində dəfn edilib.

Kiçik gizir QULUZADƏ ORXAN ELXAN OĞLU

29.06.1994-07.11.2020

29 iyun 1994-cü ildə Lənkəran şəhərində anadan olmuşdur. 2000-2011-ci illərdə Lənkəran şəhərinin 4 saylı orta məktəbində təhsil almışdır. 2012-2014-cü illərdə müddətli həqiqi hərbi xidmətdə olmuşdur. Sərhədçi peşəsinə olan marağı onu Dövlət Sərhəd Xidmətinə gətirmişdir. 27.03.2018-ci il tarixdən müddətdən artıq həqiqi hərbi xidmətə qəbul olunan Orxan 4 aylıq hazırlıq kursunu müvəffəqiyyətlə başa vurduqdan sonra Çevik Hərəkət Qüvvələrinin Çevik Hərəkət Briqadasında kəşfiyyatçı kimi xidmətə başlamışdır. , daha sonra isə snayperçi vəzifəsində xidmət etmişdir. Xidmət etdiyi müddətdə intizamlı olmuş, verilmiş tapşırıqları dəqiq və vaxtında yerinə yetirmiş, komandirlərinin və yoldaşlarının etimadını qazanmışdır. Həssaslığı və çalışqanlığı ilə seçilən Orxan həm də sərrast snayperçi kimi formalaşmış, təlimlərdə yüksək nəticələr göstərmişdir.
Vətən müharibəsi başlayan ilk gündən döyüşlərə atılan Orxan sərrast atəşləri ilə onlarla düşmən əsgərini məhv etmiş, düşmənin atəş nöqtələri susdurulmuş, qüvvələrimizin irəlləməsinə əlverişli şərait yaradılmışdır. Xocavənd rayonunun yaşayış məntəqələrinin və Zəngilan şəhərinin azad olunması əməliyyatlarında fəal iştirak etmişdir. Oktyabrın 21-də çevik hərəkət taboru ilə Zəngilan istiqamətində bir sıra yüksəkliklərinin azad edilməsi uğrunda döyüşlərə qatılmış, şəxsi igidlik nümunəsi göstərmişdir.
Böyük zəfərə 2 gün qalmış – noyabrın 7-də Zəngilan rayonu ərazisində Ermənistanla sərhəddə yerləşən 812.0 yüksəkliyini düşməndən azad edilərkən Orxan əhrəmancasına şəhid oldu.
Ailəli idi.
Kiçik gizir Quluzadə Orxan Elxan oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Qarabağ” ordeni”, “Vətən uğrunda” və “Zəngilanın azad olunmasına görə” medalları ilə təltif olunmuşdur.
8 noyabr 2020-ci ildə Lənkəran şəhərində Şəhidlər xiyabanında dəfn edilib.

Əsgər İSKƏNDƏRLİ SƏBUHİ YAŞAR OĞLU

25.06.2001-22.10.2020

25 iyun 2001-ci il tarixdə Tərtər rayonunda anadan olmuşdur. Ailəsi ilə Şəki şəhərinə köçən Səbuhi 2007-ci ildə 11 nömrəli məktəin 1-ci sinifinə getmiş, sonradan təhsilini 18 nömrəli orta məktəbdə davam etdirmişdir. 2018-ci ildə orta təhsilini başa vuran Səbuhi 2019-cu il iyul ayından Dövlət Sərhəd Xidmətinin sıralarına müddətli həqiqi hərbi xidmətə çağırıldı. Səbuhinin dövlət sərhədlərinin mühafizəsinə olan böyük marağının nəticəsi idi ki, o, müddətli həqiqi hərbi xidmətini də məhz keçdi. Səbuhi Çevik Hərəkət Qüvvələrinin Çevik Hərəkət Briqadasında xidmət etdiyi müddət ərzində intizamlı olmuş, verimiş tapşırıqları dəqiq və vaxtında icra etmişdir.
Səbuhinin ən böyük arzusu işğal altında olan torpaqlarımızın azad olunması idi. Anadan olduğu Tərtər rayonunun təmas xəttinə yaxın olması və orada şahidi olduğu düşmən həyasızliqları bir azərbaycan gənci kimi ona da rahatlıq vermirdi. Məhz buna görə də Vətən müharibəsi başlayan kimi böyük həvəslə cəbhəyə yollandı. Ölkəmizin İran İslam Respublikası ilə dövlət sərhəddinin işğaldan azad olunması uğrunda döyüşlərdə iştirak edən Səbuhi döyüş meydanında da komandirlərinin rəğbətini qazana bildi.
Oktyabrın 22-də Zəngilan rayonu ərazisində Sığırt yüksəkliyi istiqamətində hərəkət edərkən bölüyü ilə birlikdə düşmən pusqusuna düşən Səbuhi bir neçə saat ərzində döyüşərək yoldaşlarının pusqudan çıxmasına şərait yaratmış, özü isə döyüş meydanını tərk etməyərək qəhrəmancasına şəhid olmuşdur.
Subay idi.
Əsgər İskəndərli Səbuhi Yaşar oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “İgidliyə görə” və “Zəngilanın azad olunmasına görə” medalları ilə təltif olunmuşdur.
29 oktyabr 2020-ci ildə Şəki şəhərində dəfn edilib.

Əsgər ƏLİYEV RƏVAN YUSİF OĞLU

27.05.2001-22.10.2020

27 may 2001-ci il tarixdə Sumqayıt şəhərində anadan olmuşdur. 2007-ci ildə Quba rayonunda 3 nömrəli məktəbdə 1-ci sinifə daxil olan Rəvan daha sonra öz təhsilini Sumqayıt Texniki kollecində davam etdirmişdir. Təhsilini başa vurduqdan sonra Rəvan 2019-cu il iyul ayından müddətli həqiqi hərbi xidmətə çağırılmışdır. Dövlət Sərhəd Xidmətinin Çevik Hərəkət Qüvvələrinin Çevik Hərəkət Briqadasında atıcı vəzifəsində xidmətə başlamışdır. Əsgər Əliyev Rəvan Yusif oğlu xidməti zamanı ona verilmiş tapşırıqların öhdəsindən laiqincə gəlmiş, hərbi nizamnamələrin tələblərinə ciddi riayət etmişdir.
Vətən müharibəsi başlayanda Rəvan böyük ruh yüksəkliyi ilə ön cəbhəyə yollandı. Cəbrayıl və Zəngilan rayonları ərazisində İran İslam Respublikası ilə dövlət sərhədinin işğaldan azad edilməsi uğrunda döyüşlərdə fəal iştirak etmiş, düşmənə qarşı amansız olan Rəvan bu döyüşlərdə rəşadət göstərmişdir.
Oktyabrın 22-də Zəngilan rayonu ərazisində Sığırt yüksəkliyinin azad olunması uğrunda döyüşə gedərkən bölüyü ilə birlikdə düşmən pusqusuna düşən Rəvan qorxmazlıq göstərmiş, sona qədər döyüşərək yoldaşlarının pusqudan çıxmasına şərait yaratmış və qəhrəmancasına şəhid olmuşdur.
Subay idi.
Əsgər Əliyev Rəvan Yusif oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “İgidliyə görə” və“Zəngilanın azad olunmasına görə” medallarıilə təltif olunmuşdur.
29 oktyabr 2020-ci il tarixdə Quba şəhərində dəfn edilmişdir.

Əsgər QALAYÇIYEV FAİQ İSRAFİL OĞLU

16.12.2001-01.11.2020

16 dekabr 2001-ci ildə Balakən rayonunun Kortala kəndidə anadan olmuşdur. 2008-2019-cu illərdə həmin kənddə Qurban Nağıyev adına tam orta məktəbdə təhsil almışdır. 2020-ci il yanvar ayından müddətli həqiqi hərbi xidmətə çağırılmışdır. Dövlət Sərhəd Xidmətinin Çevik Hərəkət Qüvvələrinin Çevik Hərəkət Briqadasında pulemyotçu vəzifəsində xidmətə başlamışdır. Faiq xidməti müddətində intizamlı olmuş, hərbi njizamnamələrin tələblərini sözsüz və dəqiq yerinə yetirimişdir. Hərbi anda sadiq olmuş, ürəyində daim vətən sevgisi ilə yaşayan Faiqin ən böyük arzusu işğal altında olan torpalqrımızın azad edilməsi olmuşdur.
27 sentyabr 2020-ci ildə başlayan Vətən müharibəsində Cəbrayıl və Zəngilan rayonları ərazisində döyüş əməliyyatlarında iştirak edən Faiq cəsarəti ilə fərqlənmiş, komandirlərinin və yoldaşlarının rəğbətini qazanmışdar.
İran İslam Respublikası ilə dövlət sərhədi bərpa olunduqdan sonra Zəngilan rayonu ərazisində Ermənistanla sərhəddə yüksəkliklərin düşməndən təmizlənməsi uğrunda döyüşlərə qatılan Faiq 1 noyabr 2020-ci il tarixdə 949.0 yüksəkliyini düşməndən azad edərkən rəşadət göstərərək qəhrəmancasına şəhid oldu.
Subay idi.
Əsgər Qalayçıyev Faiq İsrafil oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “İgidliyə görə” və “Zəngilanın azad olunmasına görə” medalları ilə təltif olunmuşdur.
3 noyabr 2020-ci il tarixdə Balakən rayonunun Kortala kəndində dəfn edilmişdir.

Əsgər QASIMOV MURTAZA ELMAN OĞLU

02.10.2001-08.11.2020

2 oktyabr 2001-ci il Cəlilabad rayonunun Gülməmmədli kəndində anadan olmuşdur. 2008-2019-cu illərdə həmin kəndin Əli Kərimov adına tam orta məktəbində təhsil almışdır. 2019-cu il oktyabr ayından müddətli həqiqi hərbi xidmətə çağırılmışdır. Dövlət Sərhəd Xidmətinin Çevik Hərəkət Qüvvələrinin Çevik Hərəkət Briqadasında xidmətə başlayan əsgər Qasımov Murtaza intizamı və çalışqanlığı ilə seçilmiş, komandirlərinin və yoldaşlarının rəğbətini qazanmışdır. İçdiyi hərbi anda daim sadiq olan Murtuzanın ən böyük arzusu işğal altında olan vətən torpaqlarının düşməndən azad edilməsi idi.
Vətən müharibəsi başlayanda o, da digər əsgər yoldaşları kimi torpaqlarımızın azad olunması uğrunda döyüşlərə qoşuldu. Cəbrayıl və Zəngilan rayonlarının düşməndən azad olunması uğrunda döyüşlərdə iştirak etmişdir. Zəngilan rayonu ərazisində Ermənistanla sərhəddə yerləşən yüksəkliklərin düşməndən azad olunması uğrunda gedən döyüşlərdə fərqlənmişdir. Belə döyüşlərdə birində 8 noyabr 2020-ci il tarixdə - qələbəyə 1 gün qalmış 811.0 yüksəkliyinin azad olunduqdan sonra düşmənin əks hucumunun qarşısını alarkən qəhrəmancasına şəhid oldu.
Subay idi.
Əsgər Qasımov Murtaza Elman oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda“, “İgidliyə görə” və “Zəngilanın azad olunmasına görə” medalları ilə təltif olunmuşdur.
9 noyabr 2020-ci il tarixdə Cəlilabad rayonunun Gülməmmədli kəndində dəfn edilib.

Əsgər HÜSEYNOV VÜSAL YAHYA OĞLU

10.06.2001-08.11.2020

10 iyun 2001-ci ildə Lənkəran rayonunun Velədi kəndində anadan olmuşdur. 2007-2016-cı illərdə Lənkəran şəhərinin 8 nömrəli orta məktəbində oxumuşdur. 2016-2018-ci illərdə Lənkəran Texniki Kollecini sürücü-mexanik ixtisası üzrə təhsil almışdır. 2019-cu ilin oktyabr ayında müddətli həqiqi hərbi xidmətə çağırılmışdır. Əsgər Hüseynov Vüsal Yəhya oğlu Dövlət Sərhəd Xidmətinin Çevik Hərəkət Qüvvələrinin Çevik Hərəkət Briqadasında atıcı vəzifəsində xidmət etdiyi müddətdə intizamı, nizamnamələrin tələblərinə sözsüz və dəqiq riayət etməsi ilə fərqlənmişdir.
İşğal altında olan torpaqların düşmən tapdağından azad olunması onun ən böyül arzusu olmuşdur. Gələcəkdə peşəkar hərbiçi kimi ordu sıralarında xidmətini davam etdirərək istəyirdi. Lakin mənfur düşmənlərimizin başladığı müharibə Vüsalın bu arzusuna çatmasına imkan vermədi. Vətən müharibəsinə böyük ürəklə qoşulan Vüsal 43 gün döyüşlərdə igidliklə iştirak etmiş, döyüşlərdə bir neçə dəfə yaralı yoldaşlarını döyüş meydanından çıxarmış, onların həyatını xiıas etmişdir. Zəngilan rayonu ərazisində Ermənistanla sərhəddə yerləşən 811.0 yüksəkliyinin azad olunduqdan sonra düşmənin əks hucumunun qarşısını alarkən 8 noyabr 2020-ci il tarixdə qəhrəmancasına şəhid oldu.
Subay idi.
Əsgər Hüseynov Vüsal Yahya oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “İgidliyə görə” və “Zəngilanın azad olunmasına görə” medalları ilə təltif olunmuşdur.
09 noyabr 2020-ci ildə Lənkəran rayonunun Velədi kəndində dəfn edilib

Əsgər QULİYEV MEHTAB ƏNVƏR OĞLU

06.10.1997-01.11.2020

6 oktyabr 1997-ci ildə Gədəbəy rayonunun Kiçik Qaramurad kəndində anadan olmuşdur. 2003-2014-cü illərdə həmin kəndin Nizami Gəncəvi adına tam orta məktəbində təhsil almışdır. 2019-cu il oktyabr ayında Dövlət Sərhəd Xidmətinin sıralarına müddətli həqiqi hərbi xidmətə çağırılmışdır. Əsgər Quliyev Mehtab Ənvər oğlu Çevik Hərəkət Qüvvələrinin Çevik Hərəkət Briqadasında qumbaraatan vəzifəsində xidməti zamanı nizamnamələrin tələblərinə riayət etmiş, yüksək intizamı, çalışqanlığı və yardımsevərliyi ilə fərqlənmişdir. Sərhədçi peşəsinə olan marağı onun gələcək arzularından xəbər verirdi.
Sentyabrın 27-də Vətən müharibəsi başlayanda Mehtab da digər əsgər yoldaşları kimi ön cəbhəyə yollandı. Komandirləri tərəfindən ona verilən tapşırıqları uğurla yerinə yetirən Mehtab bir neçə dəfə həyatını riskə ataraq yaralı yoldaşlarını döyüş meydanından çıxarmışdır. O, Zəngiilan rayonu ərazisində Ermənistanla sərhəddə yerləşən yüksəkliklərin düşməndən azad olunması uğrunda döyüşlərdə xüsusi rəşadət göstərmişdir. Belə döyüşlərdən birində – azad edilmiş 1117.0 yüksəkliyinə düşmənin əks hucumunun qarşısını alarkən 1 noyabr 2020-ci il tarixdə Mehtab qəhrəmancasına şəhid oldu.
Ailəli idi.
Əsgər Quliyev Mehtab Ənvər oğlu ölümündən sonra Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən “Vətən uğrunda”, “İgidliyə görə” və “Zəngilanın azad olunmasına görə” medalları ilə təltif olunmuşdur.
3 noyabr 2020-ci il tarixdə Gədəbəy rayonunun Kiçik Qaramurad kəndində dəfn edilmişdir.