30.08.1960-cı ildə Naxçıvan şəhərində anadan olmuşdur. Naxçıvan Sərhəd Diviziyasının DSMB-də baş zabit vəzifəsində xidmət etmişdir. 17.03.1995-ci ildə dövlət çevrilişinə edilən cəhdin qarşısının alınması zamanı həlak olmuşdur. 4 aprel 1995-ci il tarixli 307 saylı fərman ilə «Azərbaycanın Milli Qəhrəmanı» fəxri adına layiq görülmüşdür.
Azərbaycan Respublikası Nazirlər Kabinetinin 02.10.1995-ci il tarixli qərarı ilə Naxçıvan Sərhəd Diviziyasının “N” saylı sərhəd zastavasına Azərbaycanın Milli Qəhrəmanı baş leytenant Əliyev Əmiraslan Rza oğlunun adı verilmişdir.
10.01.1968-ci ildə Bakı şəhərində anadan olmuşdur. Sərhəd Qoşunları İdarəsinin Kadrlar şöbəsinin zabiti vəzifəsində xidmət etmişdir. Azərbaycanın ərazi bütövlüyü uğrunda gedən döyüşlərdə aldığı güllə yarasından 23.02.1993-cü ildə həlak olmuşdur. 11 dekabr 1994-cü il tarixli 247 saylı fərman ilə «Azərbaycanın Milli Qəhrəmanı» fəxri adına layiq görülmüşdür.
Azərbaycan Respublikası Nazirlər Kabinetinin 02.10.1995-ci il tarixli qərarı ilə Göytəpə Sərhəd Dəstəsinin "N" saylı sərhəd zastavasına Azərbaycanın Milli Qəhrəmanı baş leytenant Məmmədov Eldar Harun oğlunun adı verilmişdir.
01.05.1974-cü ildə Cəlilabad rayonunun Şiləvəngə kəndində anadan olmuşdur. «Bakı» ƏNBM-də 3-cü bölmənin nəzarətçisi vəzifəsində xidmət etmişdir. Dövlət çevrilişinə edilən cəhdin qarşısının alınması zamanı şəxsi şücaət və igidlik göstərmişdir.
27 dekabr 1995-ci il tarixli 427 saylı fərman ilə «Azərbaycanın Milli Qəhrəmanı» fəxri adına layiq görülmüşdür. 21.08.1999-cu ildə avtomobil qəzasında həlak olmuşdur.
13.03.1975-ci ildə Yardımlı rayonunun Telavar kəndində anadan olmuşdur. 1993-cü ildə Bakı Ali Komandirlər Məktəbinə daxil olmuşdur. 1995-ci ilin mart ayında dövlət çevrilişinə edilən cəhdin qarşısının alınması zamanı həlak olmuşdur. 4 aprel 1995-ci il tarixli 307 saylı fərman ilə «Azərbaycanın Milli Qəhrəmanı» fəxri adına layiq görülmüşdür.
Azərbaycan Resublikası Nazirlər Kabinetinin 02.10.1995-ci il tarixli qərarı ilə Göytəpə Sərhəd Dəstəsinin “N” saylı sərhəd zastavasına Azərbaycanın Milli Qəhrəmanı kursant Mansurov Bəhruz Qəhrəman oğlunun adı verilmişdir.
21.10.1990-cı ildə Samux rayonunun Əhmədbəyli kəndində anadan olmuşdur. 22.10.2008-ci ildə hərbi xidmətə çağırılmışdır. Sərhəd Qoşunlarının “N” saylı hərbi hissəsində xidmət etmişdir.
2009-cu il iyun ayının 18-də Cəlilabad rayonunun Əsədli kəndi yaxınlığında dövlət sərhədinin qorunması üzrə döyüş tapşırığını yerinə yetirərkən sərhəd pozucularının atdığı qumbaranın üstünü bədəni ilə örtərək komandirlərinin və əsgər yoldaşlarının həyatını öz həyatı bahasına xilas etmişdir.
25 iyun 2009-cü il tarixli 349 saylı fərman ilə «Azərbaycanın Milli Qəhrəmanı» fəxri adına layiq görülmüşdür.
