A Z Ə R B A Y C A N    R E S P U B L I K A S I N I N

D Ö V L Ə T    S Ə R H Ə D    X İ D M Ə T İ

Azərbaycan Sərhəd Mühafizəsinin 98-ci ildönümü münasibətilə müsabiqə

E L A N   E D İ R

             Müsabiqənin keçirilməsi gənc nəsli Vətənə, onun sərhədlərinə hörmət ruhunda tərbiyə etmək, onların dünyagörüşünü və sərhəd xidmətinə marağını artırmaq, Dövlət Sərhəd Xidmətinin əldə etdiyi nailiyyətlərin, sərhəd xidmətinin xüsusiyyətlərinin, cəmiyyətdəki rolunun və əhəmiyyətinin ictimaiyyətə çatdırılması, sərhədlərimizin mühafizəsi sahəsində əcdadlarımızdan miras qalmış milli-mənəvi dəyərlərin, ənənələrin yaşadılması məqsədini daşıyır.

            Müsbiqə bədii ədəbiyyat (şeir, hekayə), təsviri sənət (rəngkarlıq), qəzet məqaləsi və “Sərhədlərimizin keşiyində” mövzusunda inşa yazısı nominasiyaları üzrə keçirilir.

Müsabiqənin şərtləri:

1. Müsabiqənin bədii ədəbiyyat (şeir, hekayə), təsviri sənət (rəngkarlıq) və qəzet məqaləsi nominasiyasında yaşından asılı olmayaraq bütün yaradıcı şəxslər, “Sərhədlərimizin keşiyində” mövzusunda inşa yazı müsabiqəsində sərhədyanı rayonların orta məktəblərinin 10-cu sinif şagirdləri iştirak edə bilərlər.
2. Bədii ədəbiyyat (şeir, hekayə), təsviri sənət (rəngkarlıq) və qəzet məqaləsi nominasiyasında təqdim olunan əsərlərin üzərində müəllif barədə məlumatlar göstərilmir. Həmin məlumatlar anketdə əks etdirilir (anketin forması qaydaya əlavə olunur) və zərfə qoyulur. Həm əsərin arxasında, həm də zərfin üzərində şərti ad qeyd olunur. Təsviri sənət üzrə iştirakçılar müsabiqəyə 90 x 70 santimetr ölçüdən kiçik olmamaqla əsərlər təqdim etməlidirlər. Əsərlər kətan parça üzərində çəkilməli və çərçivəyə salınmalıdır. Əsərlər müvafiq qaydada doldurulmuş anketlə birlikdə 2017-ci il iyun ayının 20-dək Dövlət Sərhəd Xidmətinin Şəxsi Heyət üzrə Baş İdarəsinə təqdim edilməlidir.
3. İnşa yazısı 12 vərəqli dəftərdə, göy rəngli qələmlə yazılmalı, dəftərin üz hissəsində şagird haqqında məlumat (şagirdin adı, soyadı və atasının adı, rayon və məktəb haqqında məlumat və əlaqə telefonu) qeyd olunmalıdır. Müsabiqənin keçirilməsi və qiymətləndirilməsi üçün hərbi hissələrdə rayon təhsil şöbələri ilə birgə xüsusi komissiyalar yaradılır. Komissiyalar 3 (üç) ən yaxşı inşa yazısını qiymətləndirir və 2017-ci il may ayının 20-dək Dövlət Sərhəd Xidmətinin Şəxsi Heyət üzrə Baş İdarəsinə təqdim edir.
4. Təqdim olunan bütün əsərlərdə Azərbaycan Sərhəd Mühafizəsi tərənnüm edilməli, əsərlər müsabiqəyədək heç bir yerdə çap, nəşr və yaxud nümayiş etdirilməməlidir.
5. Dövlət Sərhəd Xidmətinin, Təhsil Nazirliyinin, Azərbaycan Rəssamlar İttifaqının, Azərbaycan Yazıçılar Birliyinin və Mətbuat Şurasının nümayəndələrindən ibarət komissiya yaradılır, komisiya hər nominasiya üzrə 3 (üç) ən yaxşı əsəri seçir, qalibləri müəyyən edir.
6. Müsabiqənin nəticələri Azərbaycan Sərhəd Mühafizəsinin yaranmasının 98-ci ildönümü ərəfəsində elan ediləcəkdir.
7. Müsabiqə ilə bağlı yaranmış suallarla bağlı iştirakçılar hərbi hissələrin şəxsi heyət üzrə şöbələrinə və Dövlət Sərhəd Xidmətinin Şəxsi Heyət üzrə Baş İdarəsinə müraciət edə bilərlər.

Müsabiqə qalibləri üçün aşağıdakı mükafatlar təsis olunur:

Bədii ədəbiyyat üzrə:

Şeir

I yer –  1-ci dərəcəli diplom və 400 (dörd yüz) AZN məbləğində pul mükafatı;

II yer – 2-ci dərəcəli diplom və 300 (üç yüz) AZN məbləğində pul mükafatı;

III yer – 3-cü dərəcəli diplom və 200 (iki yüz) AZN məbləğində pul mükafatı.

Hekayə

I yer –  1-ci dərəcəli diplom və 400 (dörd yüz) AZN məbləğində pul mükafatı;

II yer – 2-ci dərəcəli diplom və 300 (üç yüz) AZN məbləğində pul mükafatı;

III yer – 3-cü dərəcəli diplom və 200 (iki yüz) AZN məbləğində pul mükafatı.

Təsviri sənət üzrə:

Rəngkarlıq

I yer –  1-ci dərəcəli diplom və 700 (yeddi yüz) AZN məbləğində pul mükafatı;

II yer – 2-ci dərəcəli diplom və 600 (altı yüz) AZN məbləğində pul mükafatı;

III yer – 3-cü dərəcəli diplom və 500 (beş yüz) AZN məbləğində pul mükafatı.

Qəzet məqaləsi üzrə:

I yer –  1-ci dərəcəli diplom və 300 (üç yüz) AZN məbləğində pul mükafatı;

II yer – 2-ci dərəcəli diplom və 250 (iki yüz əlli) AZN məbləğində pul mükafatı;

III yer – 3-cü dərəcəli diplom və 200 (iki yüz) AZN məbləğində pul mükafatı.

İnşa yazısı üzrə:

I yer – 1-ci dərəcəli diplom və 300 (üç yüz) AZN məbləğində pul mükafatı;

II yer – 2-ci dərəcəli diplom və 250 (iki yüz əlli) AZN məbləğində pul mükafatı;

III yer – 3-cü dərəcəli diplom və 200 (iki yüz) AZN məbləğində pul mükafatı;

Müsabiqə ilə bağlı əlavə məlumat almaq üçün aşağıdakı ünvana müraciət etmək olar:

Ünvan: Bakı şəhəri, Zərifə Əliyeva küçəsi 30, Dövlət Sərhəd Xidməti Aparatının inzibati binası

Əlaqə telefonları: 012 498-01-29, 012 498-01-55, 012 498-01-69, 050 271-47-14

Müsabiqə iştirakçısının anketi (nümunə)

__________________________________________________________________________

(soyadı, adı, atasının adı)

Doğum tarixi _______________________________________________________________

Təhsili ____________________________________________________________________

İş yeri, vəzifəsi ______________________________________________________________

Ünvan, telefon (ev, iş, mobil) ___________________________________________________

Müsabiqəyə təqdim olunan işlər

1. ___________________________________________________________________
2. ___________________________________________________________________

(əsərin adı)

İşi təhvil verdi: ______________________________________________________________

İşi təhvil aldı: _______________________________________________________________