Dövlət Sərhəd Xidməti tərəfindən qaçaqmalçılığa qarşı mübarizə tədbirləri qətiyyətlə davam etdirilir. Sərhədçilərin sayıqlığı nəticəsində külli miqdarda narkotik maddənin dövlət sərhədindən keçirilməsinin qarşısı alınmışdır.

Cari ilin sentyabr ayının 1-də Astara rayonunun Sım kəndi ərazisində yerləşən sərhəd zastavasının xidməti sahəsində İran İslam Respublikasından Azərbaycan Respublikası istiqamətində 2 nəfər İİR vətəndaşı tərəfindən dövlət sərhədinin pozulması cəhdinin qarşısı alınmışdır. Sərhəd pozucuları özləri ilə gətirdikləri 8 kiloqram tiryəki hadisə yerində ataraq geriyə qaçmağa müvəffəq olmuşlar.

Hadisə ilə bağlı əməliyyat – istintaq tədbirləri davam etdirilir.

                                             Dövlət Sərhəd Xidmətinin mətbuat mərkəzi