Dövlət Sərhəd Xidmətinin Akademiyasında sərhədçi veteran general-leytenant İnayət Hidayət oğlu Xəlilovun anadan olmasının 75-ci ildönümü münasibəti ilə tədbir keçirilmişdir.
Tədbirdə Dövlət Sərhəd Xidməti rəisinin müavini general-mayor Azad Ələkbərov çıxış edərək ömrünü dövlət təhlükəsizliyimizin təminatına, sərhədlərimizin etibarlı mühafizəsinin təşkili kimi şərəfli və məsuliyyətli işə həsr edən general-leytenant İ.Xəlilovu yubiley münasibəti ilə təbrik etmiş, ona xoş arzularını bildirmişdir.Tədbirdə qeyd olunmuşdur ki, şərəfli xidməti boyu Vətən, xalq və dövlət qarşısındakı müqəddəs borcunu vicdanla yerinə yetirən general-leytenant İnayət Xəlilov bu gün böyük sərhədçi nəslinə əsl örnək və nümunədir.
Tədbirin sonunda general-leytenant İnayət Xəlilov göstərilən diqqətə görə minnətdarlığını bildirmiş və gənc kursantlara öz tövsiyələrini vermişdir.
Dövlət Sərhəd Xidmətinin mətbuat mərkəzi