26.02.2020, 17:15 - Dövlət Sərhəd Xidmətinin Mətbuat Mərkəzinin Məlumatı

Azərbaycan Respublikasının Dövlət Sərhəd Xidməti tərəfindən dövlət sərhədi­nin etibarlı mühafizəsinin təmin edilməsi və narkotik vasitələrin qanunsuz dövriyyəsinə qarşı mübarizə tədbirləri davam etdirilir.

Cari ilin 23 fevral tarixində, Dövlət Sərhəd Xidmətinin Sərhəd Qoşunlarının “Xudat” sərhəd dəstəsinin Qusar rayonu Şirvanovka kəndi ərazisində yerləşən sərhəd zastavasının xidməti sahəsində Azərbaycan Respublikasından Rusiya Federasiyası istiqamətində dövlət sərhədini pozmağa cəhd edərkən 25.06.1983-cü il təvəllüdlü, Azərbaycan Respublikası vətəndaşı  Soltanov Elşən Qismət oğlu sərhəd pozucusu qismində saxlanılmışdır. İlkin araşdırma zamanı onun dövlət sərhədindən rəsmi qaydada hərəkətinə tərəfindən məhdudiyyət qoyul­duğun­dan sərhədi qanunsuz olaraq keçməyə cəhd göstərməsi müəyyən olmuşdur.

Qeyd olunan tarixdə Dövlət Sərhəd Xidmətinin Sərhəd Qoşunlarının “Horadiz” sərhəd dəstəsinin xidməti ərazi­sin­də Beyləqan rayonu Əmirzeydli kəndi yaxınlığındakı sərhəd zastavasının xidməti sahəsində, 3 nəfər şəxsin əraziyə yaxın­laşa­raq xüsusi gizlədilmiş  yerdən bağlama götürmələri müşahidə olunmuş və onlar hadisə yerindən uzaqlaş­mağa cəhd  edərkən  sərhədçilər tərəfindən saxlanılmışlar.

Saxlanılan şəxslərin Ağcabədi rayon Avşar kənd sakinləri, 1980-ci il təvəllüdlü Mehdiyev Qərib Aqil oğlu, 1974-cü il təvəllüdlü Mamedov Cabir Camal oğlu, Beyləqan rayon “Mil“ üzümçülük qəsəbə sakini 1967-ci il təvəl­lüdlü Nəzərov Yusif Şəmil oğlu olması müəyyən edilmişdir. Bağlamaya baxış keçirilərkən, qara rəngli polietilen paketdə  4374 qram olan marixuana və  254 qram metofitamin  aşkar olunmuşdur. 

Hər iki fakt üzrə əməliyyat-istintaq tədbirləri davam etdirilir.

 

Dövlət Sərhəd Xidməti Mətbuat Mərkəzi

  • 80
  • 80
  • 80
  • 80