+
-
01.04.2019
01.04.2019, 09:50- Dövlət Sərhəd Xidmətinin Mətbuat Mərkəzinin Məlumatı

Dövlət Sərhəd Xidmətinin bütün hərbi hissə və bölmələrində “31 mart - Azərbaycanlıların Soyqırım Günü” ilə əlaqədar silsilə anım tədbirləri keçirilmişdir.

Dövlət Sərhəd Xidmətinin Aparatında, Sahil Mühafizəsində, Azərbaycan İstiqlal Muzeyində və Respublika Hərbi Prokurorluğunun Memorial Soyqırımı muzeyində keçirilən tədbirlərdə Azərbaycanlılara qarşı soyqırımı siyasətinin erməni şovinist millətçiləri tərəfindən yüzillər boyu planlı surətdə həyata keçirilməsi vurğulanmışdır.

Tədbirlərdə çıxış edən AR Milli Məclisinin deputatı Fəzail İbrahimli və Neft-Kimya Prossesləri İnstitutunun direk­toru, professor Vaqif Abbasov bu siyasətin mahiyyətinin azərbay­can­lıları öz doğma torpaqlarından sıxışdırıb çıxarmaq və fiziki cə­hət­dən məhv etmək yolu ilə mifik “böyük Ermənistan dövləti” ya­ratmaq olma­sını qeyd etmişlər. Müxtəlif dövrlərdə böyük dövlətlərin müəyyən dai­rə­lərinin təhriki ilə yeridilən bu siyasətin əsas məqsədinin tarixi fakt­ları və arxiv sənədlərini saxtalaşdırılmaqla, dezinformasiya xarakterli mə­­lumatlar yaymaq və psixoloji-informasiya metodlarından istifadə edə­rək dünya ictimai fikrinə təsir etməkdən ibarət olması, məqsəd­lərinə nail olmaq üçün erməni millətçiləri ayrı-ayrı ölkə­lərin ərazilərində erməni diasporunun və lobbisinin imkanlarından geniş istifadə edərək ideoloji, separatçı və terrorçu təşkilatlar yaratmaları bildiril­mişdir.

Tədbirlərdə 1918-ci ilin mart ayının son iki günündə erməni-bolşevik birləşmələri gəmilərdən və təyyarələrdən Bakının müsəl­manlar yaşayan hissələrini bombardman etmələri, silahlı daşnakların evlərə soxularaq 17 minə qədər dinc azərbaycanlını, o cümlədən qadınları, körpələri və qocaları misli görünməmiş vəhşiliklə qətlə yetirmələri, Bakı qırğını ilə kifa­yətlənməyən ermənilər  Naxçıvanda, Şamaxıda, Lənkəranda, Qubada, Xaç­maz­da, Ağsuda dəhşətli qətllər törətmələri, yüzlərlə kəndin darmadağın edilməsi qeyd olunmuşdur. 

Ermənilər tərəfindən törədilmiş çoxsaylı soyqırım hadisələrinin mərhə­lələrlə şərh olunduğu tədbirlərdə vurğulanmışdır ki, bu vəhşi­liklərin beynəlxalq müstəvidə tanıdılması və erməni faşizminin ifşası ilə bağlı ilk əməli təşəbbüs Ulu Öndər Heydər Əliyev tərəfindən edilmişdir.  Ümummili Lider  Heydər Əliyevin 26 mart 1998-ci il tarixli fərmanı ilə “31 mart - Azərbaycanlıların Soyqırımı Günü” elan edilməsi Azərbaycan xalqının əsrlər boyu üzləşdiyi mərhumiyyətlərə veri­lən əsl tarixi qiymət olmuşdur.

Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev Azərbaycan həqiqətlərinin, o cümlədən erməni şovinistləri tərəfindən xalqımıza qarşı həyata keçirilən soyqırım siyasətini dünya ictimaiyyətinə çatdırılmasını səfirliklərimiz və diaspor təşkilatlarımız qarşısında vacib məsələ kimi qoymuşdur.

Tədbirlərdə “31 mart - Azərbaycanlıların Soyqırım Günü"nə həsr olunmuş sənədli filmlər nümayiş etdirilmişdir.

 

                                 Dövlət Sərhəd Xidmətinin mətbuat mərkəzi

 

f tw