03.07.2018 - Dövlət Sərhəd Xidmətinin Mətbuat Mərkəzinin Məlumatı

Azərbaycan Respublikasının Dövlət Sərhəd Xidməti tərəfin­dən sərhəd mühafizəsinin təmin edilməsi sahəsində tədbirlər da­vam etdirilir.

Son zamanlar dövlət sərhədindən buraxılış mən­tə­qə­lərin­də sərhəd və gömrük nəzarətinin gücləndirilməsi nəticə­sində qa­çaq­malı ölkə ərazisinə gətirə bilməyənlər öz məq­səd­lərinə çat­maq üçün müxtəlif üsul və metodlara əl atırlar.

Belə ki, 2018-ci ilin 29 iyun tarixində DSX əməkdaşlarının sayıq­lığı və peşəkarlığı sayəsində külli miqdarda mobil telefonun ölkə əra­­zi­sinə qanunsuz yolla dövlət sərhədindən buraxılış mən­tə­qə­lə­rin­dən kənar gətirilməsinin qarşısı alınmışdır.

Həmin tarixdə saat 23:50 radələrində Gürcüstan ilə dövlət sərhədində Şəmkir sərhəd dəstə­sinin xidməti ərazisində Ehram çayında 1 ədəd qara sellofana sarılmış ağ rəngli çəlləyin çayın axını ilə ərazimizə daxil olması müşahidə edilmişdir.

Sərhəd naryadı tərəfindən sudan çıxarılmış həmin çəlləkdə ümu­mi dəyəri təqribən 4500 manat təşkil edən 92 ədəd “X-nova” markalı mobil telefon aşkar olunmuşdur.

Fakt üzrə zəruri əməliyyat-istintaq tədbirləri davam etdirilir.

 

Dövlət Sərhəd Xidmətinin Mətbuat Mərkəzi

  • 80
  • 80
  • 80
  • 80
  • 80
  • 80