Dövlət Sərhəd Xidmətinin hərbi hissələri və bölmələri tərəfindən sərhədyanı ərazilərdə yaşayan əhaliyə hər zaman mümkün köməklik göstərilmiş, müxtəlif problemlərinin həllinə dəstək verilmişdir.
2018-ci ilin 01 iyul tarixində Cəlilabad rayonunda yerli sakinin həyatını sərhədçilərin köməkliyi ilə xilas etmək mümkün olmuşdur.
Belə ki, həmin tarixdə Cəlilabad rayonu ərazisində Cəlilabad-Göytəpə yolunda sürücünün idarəetməni itirməsi və avtomobilin yoldan çıxaraq ağaca çırpılması nəticəsində yol-nəqliyyat hadisəsi baş vermişdir.
Bu zaman avtomobil yoldan keçən Göytəpə şəhər sakini 1984-cü il təvəllüdlü Əliyev Ruslan Əlisəfa oğlunu vurmuş, nəticədə piyada ciddi xəsarət almışdır.
Dövlət Sərhəd Xidmətinin sərhəd qoşunlarının Göytəpə sərhəd dəstəsinin “Ambulance” tibb avtomobili hərbi hissəyə qayıdarkən yol-qəza hadisəsinin baş verməsini müşahidə etmiş, dərhal hərbi həkim tərəfindən ilkin təcilli tibbi yardım göstərilmiş və piyada Cəlilabad rayon mərkəzi xəstəxanasına çatdırılmışdır. Nəticədə R.Əliyevin həyatını xilas etmək mümkün olmuşdur.
Dövlət Sərhəd Xidmətinin Mətbuat Mərkəzi