10.12.2015- Dövlət Sərhəd Xidmətinin Mətbuat Mərkəzinin Məlumatı

04 dekabr 2015-ci il tarixdə Xəzər dənizindəki “Günəşli” yatağı­nın 10 saylı stasionar dərin dəniz özülündə baş vermiş yanğın ilə əlaqədar Dövlət Sərhəd Xidmətinin sərhəd gözətçi gəmiləri və helikopterləri dərhal hadisə yerinə səfərbər edilmiş və axtarış-xilasetmə işlərinə başlamışlar. Gündəlik olaraq dənizdə itkin düşmüş işçilərin axtarışı  Dövlət Sərhəd Xidmətinin 7 gəmisi və 6 helikopteri tərəfindən Fövqəladə Hallar Nazirliyinin helikop­ter­lə­ri ilə qarşılıqlı əlaqədə həyata keçirilməkdədir. Hal-hazırda yanğın baş vermiş özül­dən 100-150 km-dək məsafədə, həmçinin gündəlik olaraq hava­dan və qurudan sahilboyu ərazilərdə axtarış işlərinin aparılması təmin edilmişdir. Həyata keçirilən axtarış tədbirləri nəticəsində yanan platformaya aid əşyalar, xilasedici jiletlər və dairələr, xilasedici qayığın hissələri aşkar olunmuşdur. Axtarışlar vaxtı aşkar edilmiş əşyaların yerləri, dənizdə sualtı axınların, həmçinin küləyin istiqaməti nəzərə alınmaqla işlər davam etdirilir.

Azərbaycan Respublikasının Prezidenti cənab İlham Əliyevin sərəncamı ilə yaradılmış Dövlət Komissiyasının müvafiq qərarları rəhbər tutulmaqla mütəmadi olaraq bilavasitə hadisə yerində yaradıl­mış qərargahda real vəziyyət qiymətləndirilməklə zəruri tədbirlər icra edilməkdədir.

10 dekabr 2015-ci il tarixdə Dövlət Sərhəd Xidmətinin rəisi general-polkovnik Elçin Quliyev və Fövqəladə Hallar Naziri general-polkovnik Kəmaləddin Heydərov helikopterlə hadisə baş verən ərazi­yə və axtarış rayo­nu­na baxış keçirmişlər. Daha çox qüvvə və vasitələr cəlb edilməklə axtarış ərazisinin genişləndirilməsi barədə qərar qəbul edilmişdir.

 

 

Dövlət Sərhəd Xidmətinin mətbuat mərkəzi

  • 80
  • 80
  • 80
  • 80
  • 80
  • 80
  • 80
  • 80
  • 80
  • 80
  • 80
  • 80
  • 80
  • 80
  • 80
  • 80