Azərbaycan Sərhəd Mühafizəsinin 95 illik yubiley ərəfəsində Dövlət Sərhəd Xidmətinin növbəti silsilə tədbirlərindən biri də Xudat sərhəd dəstəsinin təşkilatçılığı ilə 14 avqust 2014-cü il tarixdə Xaçmaz Rayon İcra Başçısı Şəmsəddin Xanbabayevin, Qusar və Quba Rayon İcra başçılarının müavinlərinin, hüquq-mühafizə orqanları rəhbərlərinin ziyalıların, bələdiyyə və yerli icra nümayəndəliklərinin, ictimaiyyətin, gənclərin və sərhədyanı yaşayış məntəqələri sakinlərinin iştirakı ilə Xaçmaz rayonunun Heydər Əliyev adına Mədəniyyət Mərkəzində tədbir keçirilmişdir.
Tədbirdə Azərbaycan Sərhəd Mühafizəsinin yaranma tarixindən və inkişaf mərhələlərindən, Dövlət Sərhəd Xidmətində gedən dinamik inkişaf haqqında tədbir iştirakçılarına geniş məlumat verilmiş “Qəhrəman Sərhədçilər” sənədli filmi nümayiş olunmuşdur.
Xaçmaz Rayon İcra Başçısı Şəmsəddin Xanbabayev yerli əhalinin dövlət sərhədlərinin mühafizəsində rolu haqqında çıxış edərək “Azərbaycan Sərhəd Mühafizəsinin 95 illik yubileyi” ilə əlaqədar bütün sərhədçiləri təbrik etmiş, dövlətimizin sərhədlərinin etibarlı mühafizəsinə görə sərhədçilərə öz dərin minnətdarlığını bildirmişdir.
Tədbir zamanı dövlət sərhədinin mühafizəsində yaxından iştirak etmiş bir qrup sərhədyanı yaşayış məntəqələrinin sakinlərini, ictimayyət nümayəndələri, Xudat sərhəd dəstəsinin hərbi qulluqçuları Xaçmaz rayon İcra Başçısı Şəmsəddin Xanbabayev tərəfindən mükafatlandırılmışlar.
Tədbirin rəsmi hissəsi başa çatdıqdan sonra tədbir konsert proqramı ilə davam etdirilmişdir.
Dövlət Sərhəd Xidməti Mətbuat Mərkəzi