Cari ilin 4-5 iyun tarixlərində MDB Sərhəd Qoşunlarının Komandanları Şurasının (SKQŞ) Soçi şəhərində keçirilmiş 71-ci iclasında Dövlət Sərhəd Xidmətinin rəisi general-leytenant Elçin Quliyevin rəhbərlik etdiyi nümayəndə heyəti müşahidəçi qismində iştirak etmişdir.
İclasda MDB üzv-dövlətlərinin sərhədlərində vəziyyət və onun inkişaf tendensiyaları barədə fikir mübadiləsi aparmış, sərhəd təhlükəsizliyinin möhkəmləndirilməsi üzrə əməkdaşlıq, cari il ərzində görülmüş işlər və 2015-ci ildə planlaşdırılan tədbirlər, habelə digər qarşılıqlı maraq doğuran məsələlər müzakirə edilmişdir.
Tədbir çərçivəsində bir sıra MDB üzv-dövlətlərinin sərhəd xidmətlərinin nümayəndə heyətləri arasında ikitərəfli formatda görüşlər keçirilmiş, qarşılıqlı faydalı əməkdaşlıq məsələləri ətrafında fikir mübadiləsi aparılmışdır.
Dövlət Sərhəd Xidmətinin mətbuat mərkəzi