Dövlət Sərhəd Xidməti tərəfindən 2014-cü ilin mart ayı ərzində dövlət sərhədinin etibarlı mühafizəsi istiqamətində məqsədyönlü tədbirlər həyata keçirilmiş, qaçaqmalçılığa, qeyri –leqal miqrasiyaya, narkotik vasitələrin qeyri –qanuni dövriyyəsinə qarşı mübarizə uğurla davam etdirilir.
Ay ərzində dövlət sərhədini pozduqları üçün 20 halda 20 nəfər saxlanılmış, onların 8 nəfəri Azərbaycan Respublikası, 5 nəfəri Özbəkistan, 2 nəfəri İran İslam Respublikası, 2 nəfəri Gürcüstan, 1 nəfəri Rusiya Federasiyası, 1 nəfəri Moldova, 1 nəfəri Ukrayna vətəndaşı olmuşdur.Sərhəd rejim qaydalarını pozarkən yaşıl sərhəddə 5 halda 5 nəfər, Xəzər dənizində 39 halda 57 nəfər saxlanılaraq barələrində müvafiq tədbir görülmüşdür.
Cinayətkarlığa qarşı mübarizə tədbirləri nəticəsində Azərbaycan Respublikası hüquq- mühafizə orqanları tərəfindən axtarışda olan 205 nəfər aşkarlanaraq aidiyyəti orqanlara təhvil verilmişdir.
Narkotik vasitələrin qeyri-qanuni dövriyyəsinə qarşı mübarizə tədbirləri nəticəsində 16 halda 4 kiloqram 711,5 qram narkotik maddənin dövlət sərhədindən keçirilməsinin qarşısı alınmışdır.
Qaçaqmalçılıq fəaliyyətinə qarşı mübarizə çərçivəsində həyata keçirilmiş tədbirlər nəticəsində 63 halda ümumi dəyəri təqribən 187 min manat olan qaçaqmal, o cümlədən 1 ədəd pnevmatik tapança, 1 ədəd tüfəng, ov tüfəngi üçün 49 ədəd patron, 2 ədəd elektrokeyləşdirici, 1 ədəd beşbarmaq, 5886 qutu siqaret, 6660 ədəd pirotexniki vasitə, 315 baş xırdabuynuzlu, 17 baş iribuynuzlu mal-qara, 5 baş at, 97 ədəd mobil telefon müxtəlif növ dərman preparatları, spirtli içki, sənaye və ərzaq malları saxlanılmışdır.
Dövlət sərhədlərimizin etibarlı mühafizəsinin təşkili istiqamətində tədbirlər davam etdirilir.
Dövlət Sərhəd Xidmətinin mətbuat mərkəzi